Premyer-liqa
Dirçələn "Neftçi", qış yuxusuna getmiş "Qəbələ"
Topaz Premyer Liqasında cari mövsüm ekvatora çatmaq …
Topaz Premyer Liqasında cari mövsüm ekvatora çatmaq üzrədi. Daha 2 tur oynanılacaq və fasilədə klublar mövsümün yarısındakı çıxışını analiz etmək üçün istirahətə çəkiləcək.
“Qarabağ”ın ara-sıra büdrəmələrinə baxmayaraq, aşkar favorit olduğu yarışda çempionluğun tək favoriti də özüdü. Çünki ağdamlıların əsas rəqibləri özü-özünə badalaq vurmaqla məşğuldu.
Gücü yalnız “Mil-Muğan”a çatan, axırıncı qələbəsini nə vaxt qazandığını unudan “Qəbələ” 2-ci pillədə yalnız digər komandalrın daha bərbad durumda olmasına görə duruş gətirib. “Fındıq yığımı”nın (!) da başa çatdığını nəzərə alsaq, “Qəbələ” rəhbərliyi, nəhayət, komandaya diqqət yetirməli, cavabdehlədən hesabat sormalıdı. Çünki son vaxtlar “qara-qırmızılar”ın avrokuboklarda hədəfi qalmadığını, çempionatda isə onsuz da istənilən halda ikinci yeri tutacağını bildiyindən totalizatorda “məşhurlaşdığı” haqda söhbətlər dolaşır.
Son turların sürpriz nəticələrinin səbəbkarı olan “Rəvan” 5 turdu uduzmur, amma komanda yenə də hamıya aşağıdan yuxarı baxır. Potensialına görə onsuz da ən altda qalmağa məhkum olan “aslanlar” bərbad günləri davam edən “Xəzər Lənkəran”la yerini dəyişəcəyi vaxtı səbrsizliklə gözləyir. Cənubluların durumu isə ürək ağrıdır. Müflislik həddinə çatan Mübariz Mənsimov qardaşı Mais Mənsimovla Tuyqun Nadirovu yedirtməkdən, kluba pul xərcləməkdən imtina etdiyi gündən bu yana Yunis Hüseynov öz imicini xərcləməklə məşğuldu.
Ölməməyə çalışan AZAL evdə qazandığı xallarla istəyinə çatırsa, “Sumqayıt” iddialıları yenib zəiflərə xal bağışlamaqla başını saxlayır. “Kəpəz”in düşüşü göz önündədi. Lideri Dario Federikonun zədələnməsindən sonra gəncəlilər qələbə qazanmalı olduqları matçda istəyinə çata bilmir. Amma yenə də imkanına görə bu komandanın boyundan hündürə tullandığını deyə bilərik.
“Zirə”ylə “İnter” sabit çıxış edir. Debütant bəzən “Rəvan”a uduzacaq qədər pis oynasa da, mükafat verən yerlərdən aşağı düşmür. Elə “İnter”də də bəzən “qısaqapanmalar” olur, komanda tarixində ilk dəfə evində “Sumqayıta” uduzur. Bununla belə, Svanadzenin yetirmələri güclü ortabablar sırasındadı.
Ən çox diqqət edilməli komanda “Neftçi”di. Əsgər Abdullayevin gəlişindən sonra nəinki uduzayan, ümiyyətlə, cəmi bir top buraxan komanda praqmatik futbol sayəsində layiq olduğu yerlərə gəlməkdədi. Bu isə onu göstərir ki, məşqçi amilinin rolu hələ də böyükdü və Samir Əliyevdən alınan heyətlə daha yaxşısına nail olmaq olar.
AĞA
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-22 08:34
Musa “Yurqorden” dəftərini bağladı?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”