Premyer-liqa
İki klub Premyer Liqadan imtina edir: Azərbaycanda!
Noyabrın 30-da ölkə klublarının 2016-2017 mövsüm&uu…
Noyabrın 30-da ölkə klublarının 2016-2017 mövsümündə Topaz Premyer Liqasında iştirak etmək üçün ərizə təqdim etmək müddəti başa çatıb. Bu ərizələr AFFA-nın Lisenziyalaşdırma Komitəsinə təqdim edilməli idi. Ancaq bütün klublar bu imkandan yararlanmayıblar. Əldə etdiyimiz məlumata görə, 10 Premyer Liqa və 14 I Divizion klubundan bir neçəsi növbəti mövsüm elitada mübarizə aparmaq üçün ərizə verməyiblər.
Məsələyə aydınlıq gətirmək üçün AFFA-nın Lisenziyalaşdırma Qrupunun rəhbəri Elçin Məmmədovla əlaqə saxladıq. Futbolinfo.az saytına verdiyi açıqlamada AFFA rəsmisi məlumatı təsdiqləsə də, konkret komandaların siyahısını açıqlaya bilməyəcəyini dilə gətirdi: “Həqiqətən də bütün Premyer Liqa və 1-ci divizion klubları növbəti mövsüm üçün ərizə təqdim etməyiblər. Ancaq bu komandaların adlarını açıqlaya bilmərəm. Çünki belədə idman prinsipləri pozulmuş olur”.
Məmmədovun dediklərində həqiqət var. Çünki müraciət etməyən klubların futbolçuları cari mövsümün qalan hissəsində ayaq sürüməklə məşğul ola, hətta digər komandalarla sövdələşməyə gedə bilərlər. Təəssüf ki, AFFA rəsmisi hətta neçə komandanın ərizəylə müraciət etməsini söyləməkdən də boyun qaçırdı. Əvəzində müraciət etməyən klubların bu cür şanslarının qaldığını vurğuladı: “Həm sayı, həm də siyahını apreldə açıqlaya bilərik. Çünki bu, ilkin müraciət formasıdı. Deyək ki, hansısa klub yanvarda müraciət etsə, gecikməyə yol verdiyi üçün cərimələnə bilər. Ancaq bütün tələblərə cavab verən sənədlər təqdim olunubsa, komandaya lisenziya veriləcək”.
Elçin bəy bizə heç bir informasiya verməsə də, bir sıra faktları üzə çıxara bildik. Əldə etdiyimiz məlumata görə, Premyer Liqa iştirakçılarından ikisi növbəti mövsüm elitada iştirak etməyə bilər. Ən azından hələlik lisenziya almaq üçün müraciət etməyiblər. Bu komandalardan birinin adını dəqiqləşdirə bilmədik, digərinin isə Topaz Premyer Liqasının sonuncu pilləsində qərarlaşan “Rəvan” olduğu deyilir. Bu klub növbəti mövsüm üçün yaşayıb-yaşamayacağını bilmir.
Eyni zamanda, bir neçə 1-ci divizion təmsilçisi də lisenziya üçün müraciət etməyib. Bunlar arasında “Neftçala”, “Turan Tovuz”, “Qaradağ Lökbatan”ın adını çəkə bilərik. Müraciət edən “1-cilər”ə gəlincə, “Bakı” belə bir təşəbbüsdə bulunub. Doğrudu, AFFA-dan paytaxt təmsilçisinə UEFA-nın tətbiq etdiyi cərimənin ödənilmədiyini bildiriblər. Lakin Hafiz Məmmədovun klubu yaxın 1 ayda Avropanın ali futbol qurumuyla aralarındakı maliyyə problemini yoluna qoyacağına dair söz verib.
Göründüyü kimi, neftin dünya bazarındakı qiymətinin kəskin şəkildə enməsi iqtisadiyyatı sırf bu məhsula bağlanan Azərbaycana da ciddi zərbə vurub. Hər halda, SOCAR-ın maliyyələşdirdiyi klubların əksəriyyəti bunu hiss etməkdədilər. Elə lisenziyadan imtina etmələri də bunun əyani sübutudu.
CEYHUN ƏLİYEV
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-29 08:00
Avrokuboka vəsiqə üçün vacib qələbələr: Sumqayıtda hakimlər də iş başında idi
- Ölkə futbolu2024-04-29 09:25
“Nitsa” Benzianı istəyir
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib