Ölkə futbolu
Vaqif Sadıqov: "Mükafat fondu olacaq"
Olimpiya stadionunda yığmamızın baş məşqçisi Robert Pros…
Olimpiya stadionunda yığmamızın baş məşqçisi Robert Prosineçki, milli komandaların Texniki Departamentinin rəhbəri Bernhard Lippert, AFFA-nın baş katibi Elxan Məmmədov, Məşqçilər Şurası, habelə Topaz Premyer Liqasının komandalarının baş məşqçilərinin iştirakı ilə keçirilən görüş zamanı daha bir turnirin təşkilinin zəruriliyi vurğulanıb. Bu yarışın mahiyyəti, tarixi və məramına aydınlıq gətirmək üçün Məşqçilər Komitəsinin sədri Vaqiv Sadıqovla əlaqə saxladıq. Futbolinfo.az saytına verdiyi açıqlamada, təcürbəli mütəxəssis məram barədə məlumat versə də, tarixi haqda konkret fikir bildirə bilmədi.
Sadıqov turnirin 3-4-cü dövrələrin gedişatında təşkil etməyi planlaşdırıldığını bildirdi: “Avropa ölkələrində yığmada oynayan futbolçular mövsüm ərzində 60-70 oyun keçirirlər. Bizdə isə yığma üzvlərimizin göstəriciləri daha aşağıdı. Bu məqsədlə də əlavə turnirin təşkilinə zərurət duyduq. Doğrudu, ölkə çempionatının təqvimində hər tur üçün 2 gün nəzərdə tutmuşduq, CBC kanalı isə oyunları canlı yayımlamaq üçün hər hesabat turunun 3 günədək uzadılmasını istədi. Belədə, qrafik olduqca sıx alınır. Amma bir şey fikirləşmək olar. Turniri qış fasiləsindən sonra təşkil etməyi düşünürük. Bu, həm milli üzvlərimizin xeyrinə olan məsələdi, həm də yeni gənclərin kəşf olunması üçün əla şansdı. Turnirin adına gəlincə, konkret deyə bilmərəm. Amma kifayət qədər tanınmış veteran futbolçularımız olub. Onların adlarını əbədiləşdirmək yaxşı oalrdı”.
Turniri təşkil etmək olar. Bəs bu oyunlara klublar ciddi yanaşacaqlarmı? Təşkilatçılar iştirakçıları nə cür stimullaşdırmaq fikrindədi? Sadıqov bu məsələyə də aydınlıq gətirdi: “Turnirin mükafat fondu olacaq. Özü də komandalara daha maraqlı olsun deyə, paralel turnirlər təşkil etməyi planlaşdırmışıq. Məsələn, avrokuboklarda mübarizə aparan komandalar üçün bir, nisbətə zəiflər üçün ayrı turnirin təşkilini. Əlbəttə, bu, hələ ki, müzakirə olunur. Tam formata salındıqdan sonra klublara məlumat veriləcək və onların rəyləri öyrəniləcək”.
Çətin ki, hansısa pul mükafatı fiziki cəhətdən daim əziyyət çəkən Azərbaycan klubları üçün lazımı stimul olsun və baş məşqçilər aparıcı oyunçularını bu qarşılaşmalarda meydana buraxsın. Bəlkə İngiltərə təcrübəsindən faydalanaraq, Liqa Kubokunun təşkilinin zamanı yetişib? Qalib komanda da Avropa Liqasında iştirak etmək hüququ əldə etsin. Sadıqov bu təklifə soyuq münasibət bəsləsə də, müzakirə mövzusu ola biləcəyini vurğuladı: “Subyektiv fikrimi deyirəm. Uzun marafonda 4-cü yeri tutan komandanın qitəmiqyaslı turnirdən kənar qalaraq, bir neçə matçı əhatə edəcək Liqa Kubokunun qalibinə belə bir vəsiqənin verilməsini ədalətsizlik sayıram. Ancaq bir daha təkrar edirəm, bu, mənim subyekiv fikrimdi. Lakin bu ideyanın da yaşamaq üçün müsbət tərəfləri var və hesab edirəm ki, müzakirə etmək olar”.
CEYHUN ƏLİYEV
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-29 08:00
Avrokuboka vəsiqə üçün vacib qələbələr: Sumqayıtda hakimlər də iş başında idi
- Ölkə futbolu2024-04-29 09:25
“Nitsa” Benzianı istəyir
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib