Ölkə futbolu
“Turan Tovuz”u tənqid etmək istəyən fanatlar “razborka”ya çəkilir
Tovuzda da futbol var. Ən azından Qərb bölgəsinin fəxri olan…
Tovuzda da futbol var. Ən azından Qərb bölgəsinin fəxri olan “Turan” adını pula qurban vermək naminə olsa belə. Ancaq sən demə, hətta bu cür “Pirr qələbəsi” də tovuzlu futbolsevərlər üçün məlhəm olmayıb. Komandanın 1-ci divizionda var-gəl etməsi bir yana, tovuzlu fanatlar komandalarının oyunundan da narazıdılar.
Ancaq ən qəribəsi budu ki, burda fanatalara narazılıq etmək də icazəylədi. Bəli-bəli, məhz icazəylə! Sən demə, tənqid etmək üçün əvvəlcə komandanın baş məşqçisi Nizami Sadıqovun oğlundan izn istəmək lazımdı. Əks halda…
“Turan Tovuz”un “facebook” səhifəsində MOİK-dən alınan 1:2 hesablı məğlubiyyətdən sonra yerli azarkeşlər şərh bölməsində komandadan narazılıqlarını ifadə ediblər. Özü də olduqca mədəni şəkildə. Xüsusilə İlkin Abbasov adlı azarkeş fikirlərini maksimum səlist formada çatdırıb: “Məlum məsələdir ki, komandada futbolçuların səviyyəsı aşağıdır, lıderlər Vüsal Qarayev və Asəf Qədiri əvvəlki formada deyillər. Amma yenə də bu futbolçularla az da olsa, normal futbol oynamaq olar. Söhbət nəticədən getmir, sadəcə, futbol oynamaq. Amma komandada məşqçi işi hiss olunmur. Kor-təbii oynayırlar”.
Amma buna baş məşqçinin oğlunun reaksiyası yersiz olmaqla yanaşı, həm də çox kobud şəkildə səslənib: “Əlində olan uşaqlarla oynayır. O vəziyyət kimdə olsa, elə olar. Vəziyyəti bilmirsiniz, danışmayın artıq-əskik”.
Abbasov bir daha Nizami Sadıqovun oğluna nəzakətlə, bütün etik qaydaları qoruyaraq, cavab verib: “Mən bilirəm, artıq-əskik də danişmıram. İnsan kimisə söyəndə artıq-əskik danışır. Şərhi diqqətlə oxusaydın, gorərdin ki, futbolçuların səviyyəsinin aşağı olmasını qabartmışam. Amma məşqçi işi yoxdu və bunu da qeyd edirəm. Komandada muəyyən olunmuş taktika, xətlərarası əlaqə yoxdur. Bu, futbolçulardan yox, məşqçidən asılıdı. MOİK-in heyəti bizimkindən də zəifdir, amma onların oyununda məşqçi işi hiss olunurdu”.
İlkin Sadıqlı isə fanatlardan əl çəkmir, hər şərh yazanı şəxsi yazışmaya, loru dildə desək, “virtual “razborka”ya çağırmaq”la, öz aləmində atasının müdafiəsinə qalxıb.
Deyə bilmərik neçə futbolsevər məşqçi oğluyla “söhbət çürütməyək” eşqinə düşüb, neçəsi yox. Amma fakt budu ki, hadisə səhifənin adminlərinin gözü qarşısında baş verib. Deməli, Nizami Sadıqova dəliqanlı oğlu barədə məlumat verməmiş olmazlar. Veriblərsə, nəyə görə həmin gənc elə eyni səhifədə üzrhaxlıq etməyib?
Qərəz, bax, bu cür söz-söhbətlər sonda böyük fəlakətlərə səbəb olur. Hörmətli məşqçilər, futbol məmurları və s., övladlarınıza başa salın ki, azarkeşlə kəllə-kəlləyə gəlmələri, ilk növbədə, sizin imicinizə xələl gətirir. Həyat acı zarafatları etməyi bacarır. Elə etməyin ki, sonradan bunun acısını çəkəsiniz.
AĞA
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Milli komanda2024-04-12 18:00
Millinin Gürcüstanla oyunlar üçün heyəti açıqlandı
- Ölkə futbolu2024-04-14 08:00
“Turan Tovuz” avrokubok mübarizəsinə qayıtdı