Ölkə futbolu
Əmircanov “Qəbələ”dən AFFA-ya şikayət etdi, klub aydınlıq gətirdi
Ölkə çempionatında fasilə yaransa da, Azərbaycan futbo…
Ölkə çempionatında fasilə yaransa da, Azərbaycan futbolunda hadisələr fasilə götürmək bilmir. Futbolinfo.az xəbər verir ki, 2014-2015 mövsümündə “Qəbələ”yə məxsus olan Ruslan Əmircanov sabiq klubundan AFFA-ya şikayət edib. Səbəb kimi “Qəbələ”nin ona 80 min dollar borclu qaldığını göstərib.
Məsələyə aydınlıq gətirmək üçün “Qəbələ”nin meneceri Səbuhi Səfiyarlıyla əlaqə saxladıq. Klub rəsmisi informasiyanı təsdiq etdi. Amma əks-arqumentlərini də səsləndirdi: “Həqiqətən də müqavilədə göstərilən məbləğin kiçik bir hissəsi futbolçuya ödənilməyib. Amma bunun obyektiv səbəbləri var. Futbolçu heyətimizdə vur-tut 8 oyuna çıxıb. Sonradan ayağında ağrılar hiss etdiyini bildirib, oynamaqdan imtina etdi. Bakıda MRT müayinəsindən keçirdik. Cavab olaraq, ayağında ağrı verəcək heç bir prosesin getmədiyini bildirdilər. Amma Ruslan ayağında şiddətli ağrılar hiss etdiyini deyirdi. Buna görə onu Türkiyədəki “Acıbadəm” xəstəxanasına yolladıq. Ancaq orada da eyni diaqnoz qoyuldu. Buna baxmayaraq, Ömer Taşer xırda bir problemi göstərərək, bunun ağrı vermə ehtimalının olmadığını da söyləyərək, əməliyyət etməyi təklif etdi. Futbolçunu əməliyyat etdikdən sonra türkiyəli həkim 2-3 həftədən sonra məşqlərə başlaya biləcəyini söylədi. Ancaq göstərilən müddət keçdikdən sonra Əmircanov ağrıların kəsilmədiyini əsas gətirdi. “Qəbələ” onu yenidən “Acıbadem”ə yolladı və orada bərpa kursları keçdi. Bundan sonra bir oyuna çıxdı və yenidən oynaya bilməyəcəyini əsas gətirdi. Bir daha futbolçunu Türkiyəyə yolladıq. Eyni diaqnozu qoydular: “Oynaması üçün heç bir əngəl yoxdu”.
Maraqlıdı ki, futbolçu bundan sonra da oynaya bilməyib: “Amma müdafiəçi oynamırdı ki, oynamırdı. Sonuncu dəfə 2015-in aprelində onu “Acıbadem”ə yolladıq. Buna baxmayaraq, həkimlərin rəyi dəyişməz qaldı. Artıq müqavilə müddəti başa çatmışdı. Lakin iyunda onu İtaliyaya yolladıq və anlaşma müddəti başa çatmasına baxmayaraq, əməliyyat xərclərini klub öz üzərinə götürdü və komandamızla Ərzurumdakı təlim-məşq toplanışına da apardı. Bununla biz ona dəstək olmaq istədik. Amma 2014-ün oktyabrından bəri adi bir zədəni bəhanə edərək, 8 ay komandaya kömək etməməsinə heç bir don geyindirmək olmur. Eyni zamanda klubumuzun ovaxtkı həkimi Rəhim Məhərrəmovun raportları da var. Və hər bir halda o, futbolçunun məşq etməsi, oyuna çıxması üçün heç bir problemin olmadığını yazılı şəkildə təqdim edib. Bu raportlar da arxivimizdədi. Bizim də daxili qaydalarımız var. Oyunçu komandanın uğur qazanması üçün səylərini əsirgəməməlidi. Amma Əmircanov bu bəndə riayət etmədiyi üçün ona ödəniləcək məbləğ kəsilib. Hələ mən məsələnin mənəvi tərəfinə toxunmuram. Bir futbolçu ki, mövsüm ərzində 8 oyuna çıxıb, sonradan onun şikayət etməsini anlamaq çətindi. Götürün elə Vladimir Levini. Futbolçu özü bizə müraciət edərək, məvacibinin dekabradək verilməsini istədi. O, “oynamamışamsa, nəyin pulunu tələb edə bilərəm?”, deyərək, növbəti yarım ilin pulundan imtina etdi”.
Məsələyə Ruslanın da münasibətini öyrənmək istədik. Amma futbolçu çoxsaylı zənglərimizi cavabsız qoydu.
FƏRİD
- Milli komanda2024-05-03 08:00
Vay(ss) bizim halımıza?
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə
- Digər idman növləri2024-05-03 13:25
Tanınmış idmançılarla – öncə master-klas, sonra birgə məşq