Ölkə futbolu
Nuru Əliyev zaqatalalıları aldadıb?!
Ölkəni bürüyən maliyyə böhranı futboldan da ya…
Ölkəni bürüyən maliyyə böhranı futboldan da yan keçməyib. Azərbaycan Premyer Liqasında çıxış edən bir neçə klubu çıxmaq şərtiylə, qalanları ciddi maliyyə problemi yaşayır. Belə klublardan biri də "Rəvan"dı.
Nuru Əliyevin klubunun futbolçularının 3 aydı ki, maaş üzünə həsrət qaldığı deyilir. Hətta komandanın dağıla biləcəyi ehtimalı da var. Amma "Rəvan"ın borcu təkcə futbolçularına deyil…
Nuru Əliyevin klubu Zaqatala olimpiya idman kompleksinə də borcludu. Futbolinfo.az xəbər verir ki, bu barədə Komanda.az-a Zaqataladan adının açıqlanmasını istəməyən bir futbol adamı məlumat verib. Məlumatı olduğu kimi diqqətinizə çatdırırıq:
"Rəvan" klubu avqust ayında – çempionat başlamamışdan əvvəl Zaqatala olimpiya idman kompleksində təlim-məşq toplanışında olub. O vaxtdan indiyə qədər kompleksin direktorunu hər gün aldadırlar və pulu ödəmirlər. Axı kompleksin bu çətin vaxtında direktor Arif Ramazanov hər şeyi bazardan nisyə göturub, bu "Rəvan" klubunu yedirib-içirib.
Başa düşə bilmirəm, bu başıbəlalı Zaqatala olimpiya kompleksinə kim Bakıdan gəlirsə, aldadır, borca salıb gedir. Hamı bizim qonaqpərvərliyimizdən istifadə edir. Onsuz da "Simurq" rəhbərliyi Zaqatalanı 50 min manat borca salmışdı. Hələ də "Simurq"dan qalan 13 min manata yaxın işıq və qazpulu durur. Üstəlik "Rəvan" da gəlib 5 min "atıb" getdi. Belə haqsızlıq olar? 5 min manatı verə bilməyən klubun Premyer Liqada nə işi var, başa duşə bilmirəm".
Məsələylə bağlı "Rəvan"ın da mövqeyini öyrəndik. Klubun mətbuat xidmətinin rəhbəri Şamo Quliyev Zaqatala olimpiya kompleksinə borclu olduqlarını etiraf etdi. Amma borcun 5 min manat olmadığını da bildirdi:
"Bizim Zaqatalada sonuncu toplanış xərcimiz 9 min manat təşkil edib. Onun da 8 mini ödənilib. Qalan min manat borc isə ayın sonuna qədər ödəniləcək".
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Ölkə futbolu2024-05-09 13:53
“Azərbaycanda həm yaxşı pul qazandım, həm də hörmət”
- Ölkə futbolu2024-05-08 20:41
PFL, “YAŞAT” Fondu və “Badamlı” arasında müqavilə imzalandı
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”