Müsahibə
"Qəbələ"nin çöküş səbəbi: Qriqorçuk və gətirdikləri
Son 105 gündə ölkə çempionatında cəmi 1 qələbə…
Son 105 gündə ölkə çempionatında cəmi 1 qələbə qazanan (onu da sınıq-sallaq “Xəzər Lənkəran” üzərində) “Qəbələ” qış fasiləsindən sonra ilk oyununda da fanatlarını məyus etdi. Roman Qriqorçukun yetirmələrinin məğlubiyyəti bir yana, oyun dəst-xəttində də ciddi axsamalar aşkar sezilir. Özü də söhbət tək nəticədən getmir. Sərgilənən futbol da cansıxıcıdı. Avropa Liqasının təsnifat mərhələlərində parlaq futbolla tamaşaçıların rəğbətini qazanan komanda son aylarda əlahiddə heç nə ilə yadda qalmır.
Xüsusilə, Roman Qriqorçukun dönəmində transfer edilən oyunçular günü-gündən geriləyir. Yalnız Dmitri Bezotosnı barədə xoş sözlər demək olardı. Amma bu əlcək sahibi də ötən turu kənardan izləməli oldu. Mövsümün əvvəlində ünvanlarına xoş sözlər deyilən Aleksey Qayla Sergey Zenyov da sanki tükəniblər. Artıq onlar da istəniləni vermirlər. Vitali Vernidub, Aleksey Antonov, Ermin Zetsdən isə ümumiyyətlə, danışmağa dəyməz. Azərbaycan pasportuna sahib Andrey Popoviçin “ənənəsi”nə sadiq qalaraq, yenidən “Qəbələ”nin məğlubiyyətində “müstəsna pay sahibi” olduğu “Kəpəz” matçından sonra klubun transfer siyasətinə dair xeyli suallar yaranıb. “Qəbələ”nin baş meneceri Zaur Əzizovla bu məsələlərə aydınlıq gətirməyə cəhd göstərdik.
– Andrey Popoviçi transfer etməzdən öncə “əmək kitabçası”na baxmışdınız?
– Onun əvvəllər intizamsızlıqlara yol verməsindən xəbərdar idik. “Qəbələ”də də bir dəfə analoji hala yol verdi və dərhal cəzalandırıldı. Bundan sonra Popoviçlə bağlı oxşar hal yaşanmayıb.
– Onun əvvəllər intizamsızlıqlara yol verməsindən xəbərdar idik. “Qəbələ”də də bir dəfə analoji hala yol verdi və dərhal cəzalandırıldı. Bundan sonra Popoviçlə bağlı oxşar hal yaşanmayıb.
– Ancaq sərgilədiyi futbol iddialı “Qəbələ” adına yaraşmır. Heyətdə Bezotosnı və Pietrzkeviç kimi “əjdaha” qapıçıları olan klubun "çərçivə"ni daim biabırçı qollar buraxan əlcək sahibinə həvalə etməsi birmənalı qarşılanmır…
– Bunun başlıca səbəbi Popoviçin Azərbaycan pasportuna sahib olmasıdı. Legioner limiti baş məşqçimizin seçiminə təsirini göstərir.
– Bunun başlıca səbəbi Popoviçin Azərbaycan pasportuna sahib olmasıdı. Legioner limiti baş məşqçimizin seçiminə təsirini göstərir.
– Amma məhz ukraynalı “azərbaycanlı” növbəti dəfə “Qəbələ”nin məğlubiyyətini şərtləndirən səhvləri ilə “ön plan”a çıxdı.
– Andreyin start heyətində meydana çıxmasını bəzi mətbu orqanları Qriqorçukun həmyerlisi olması ilə əlaqələndirir. Bu fikirlə razılaşmıram. Çünki ehtiyatda qalan Ukrayna millisinə namizəd Dmitri Bezotosnı da Roman İosifoviç kimi ukraynalıdı. Sadəcə, yuxarıda qeyd etdiyim kimi, vətəndaşlıq məsələsi seçimdə əsas rol oynayıb.
– Andreyin start heyətində meydana çıxmasını bəzi mətbu orqanları Qriqorçukun həmyerlisi olması ilə əlaqələndirir. Bu fikirlə razılaşmıram. Çünki ehtiyatda qalan Ukrayna millisinə namizəd Dmitri Bezotosnı da Roman İosifoviç kimi ukraynalıdı. Sadəcə, yuxarıda qeyd etdiyim kimi, vətəndaşlıq məsələsi seçimdə əsas rol oynayıb.
– Elədirsə, nəyə görə komandanıza keçməyə hazır olan azərbaycanlı Səlahət Ağayev transfer olunmadı? Səviyyəsinə görə neçə-neçə popoviçlərə dəyər…
– Etiraf edim ki, qış fasiləsində Səlahətlə danışıqlar aparmışdıq. Ancaq maddi məsələlərdə ortaq məxrəcə gələ bilmədiyimiz üçün bu transfer reallaşmadı. O ki qaldı Popoviçi transfer etdiyimiz dövrə, həmin vaxt o, milli komandamıza cəlb olunurdu. Elə gənclər yığmamızda da çıxış edirdi.
– Etiraf edim ki, qış fasiləsində Səlahətlə danışıqlar aparmışdıq. Ancaq maddi məsələlərdə ortaq məxrəcə gələ bilmədiyimiz üçün bu transfer reallaşmadı. O ki qaldı Popoviçi transfer etdiyimiz dövrə, həmin vaxt o, milli komandamıza cəlb olunurdu. Elə gənclər yığmamızda da çıxış edirdi.
– Belə çıxır ki, Andrey “Qəbələ”yə keçdikdən sonra geriləyib? Axı, artıq milliyə cəlb olunmur…
– Yox, sadəcə, əvvəlki klublarında daim əsas heyətdə çıxış edirdi. Bizdə isə cəmi 8 oyunda meydana çıxıb.
– Yox, sadəcə, əvvəlki klublarında daim əsas heyətdə çıxış edirdi. Bizdə isə cəmi 8 oyunda meydana çıxıb.
– Qriqorçukun dönəmində transfer edilən digər futbolçular da əlahiddə heç nəylə yadda qalmırlar. Ukraynalı mütəxəssislə müqavilə müddəti uzadıldıqdan sonra isə ümumiyyətlə, sanki arxayınlaşıb.
– Bu fikir kökündən yanlışdı. Siz komandanın daxilində olmursunuz. Qriqorçuk sutkanın yarısından çoxunu komanda daxilində keçirir. Əlbəttə ki, nəticələr onu da qayğılandırır və vəziyyətdən çıxmaq üçün bütün əməli tədbirlər görülür.
– Bu fikir kökündən yanlışdı. Siz komandanın daxilində olmursunuz. Qriqorçuk sutkanın yarısından çoxunu komanda daxilində keçirir. Əlbəttə ki, nəticələr onu da qayğılandırır və vəziyyətdən çıxmaq üçün bütün əməli tədbirlər görülür.
Redaksiyadan. Baş menecer hər nə qədər çalışsa da, faktları danmaq mümkün deyil. Qriqorçukun transferləri olduqca uğursuz alınıb. Komandanın hazırda sərgilədiyi futbol da daha çox bəxtə hesablanıb: cərimə meydançasına hava ötürmələri və “2-ci mərtəbə”də mübarizə. Popoviç barədə isə ümumiyyətlə, danışmağa dəyməz. Bu yoldaş nəinki “Qəbələ”yə, hətta Topaz Premyer Liqasının ən geridəqalmışları – “Xəzər Lənkəran”la “Rəvan”a da yaraşmır. Problemlər mütləq klub rəhbərliyi səviyyəsində müzakirəyə çıxarılmalı, növbəti transferlər ciddi nəzarətə götürülməlidi. Hadisələrin gedişatı bu mövsüm “Qəbələ”nin nəinki çempionluq, ümumiyyətlə, medalçılar sırasına düşməsini də şübhə altına qoyur.
CEYHUN ƏLİYEV