Müsahibə
Ramos “Neftçi”dən gedir: “Havanı dəyişmək vaxtıdı”
Mövsümün uğursuz komandlarından olan “Neft&cced…
Mövsümün uğursuz komandlarından olan “Neftçi” ölkə kubokunun ¼ final mərhələsinin ilk matçında uduzmaqla vəziyyətini bir qədər də pisləşdirdi. Səfərdə “Xəzər Lənkəran”a 2:3 hesablı məğlubiyyət o qədər də pis nəticə deyil, amma rəqibin zəif heyəti qarşısında aciz qalmaq bakılıların ciddi problemlərinin olduğunu deməyə əsas verir. Elə “Neftçi”nin yarımmüdafiəçisi Erik Ramos da futbolinfo.az saytına bu gün verdiyi müsahibədə bunu etiraf edib.
– “Xəzər Lənkəran”a uduzacağınızı özünüz də gözləmirdiz?
– Təəssüf ki, belə bir məğlubiyyətə düçar olduq. Amma səfərdə 2 qol vurmuşuq. Fikrimcə, səfərdəki qollar bizə kömək edəcək. Mərhələ adlamaq üçün şansımız qalır.
– Amma rəqibin heyətindəki futbolçularla sizi müqayisə etsək, nəticəni gözlənilməz saymaq olar?
– Hazırda pis dönəm yaşayırıq. Məğlubiyyətlərin də səbəbi özümüzə gələ bilməməyimizdir. Amma ümid edirəm ki, hər şey dəyişəcək. Bu pis vəziyyətdən çıxmalıyıq. Bunun üçün qələbəyə ehtiyacımız var.
– 3 ardıcıl məğlubiyyətiniz var…
– Bunu izah etmək çpx çətindir.
– “Xəzər Lənkəran”ı evdə məğlub edə biləcəksiz?
– Bizim növbəti mərhələyə adlamağımız üçün 1 qol lazımdır. Bunu etməyə borcluyuq. Doğrudur, heç də asan deyil. Amma başqa çarəmiz yoxdur. Nikolas Kanales də heyətə qoşulsa, əla olar. Komandanın ona ehtiyacı var.
– Çempionatda da sizi çətin matç gözləyir. “Qəbələ” ilə ağır oyun olacaq…
– Əlbəttə ki, “Qəbələ”yə qarşı çox çətin olacaq. Çünki rəqibin güclü heyəti var. Biz çempionatda çox vacib xallar itirmişik. Onları bərpa etməliyik. “Qəbələ” kimi komandayla oyunda qələbə qazanmaq bizə kömək edəcək.
– Kubok, yoxsa çempionat sizin üçün daha vacibdir?
– Hər ikisi önəmli turnirdir. Çempionatda çox narahat yerdəyik. Bir az yuxarı pillələrdə qərarlaşmaq lazımdır. Kubok da çox önəmlidir. Hər ikisində mübarizə aparmaq lazımdır.
– “Neftçi” üçün Avropa Liqasına gedən yol hardan keçir?
– Hər iki turnirdə bu şansı əldə etməyimiz üçün imkanımız var. Düzdür, ikisində də eyni anda mübarizə aparmaq asan deyil. Mənim fikrimcə, biz iki cəbhədə də “döyüşməliyik”. Amma hər şeyi zaman göstərəcək.
– Heyətdə boşluq hiss edirsiz? Yeni futbolçulara ehtiyac var?
– Əgər bir komandanın yeni oyunçulara, yeni liderə ehtiyacı varsa, o komanda başqa hədəflər haqqında düşünməlidir.
– Əgər komanda Avropa Liqasına çıxsa, bu heyətlə irəli getmək real görünmür…
– Mən Avropa Liqasında haqqında fikirləşə bilmərəm. Çünki mənim müqaviləmin müddəti may ayında başa çatır.
– Yeni müqavilə imzalamaq haqqında düşünmürsən?
– Uzun müddət deyil. Fikrimcə, “Neftçi”də 4 il oynamaq kifayət edir. Artıq “havamı dəyişmək zamanıdır”. Amma sonda yenə klubla görüşlərimiz olacaq. Böyük ehtimalla gedəcəm.
– O zaman Ramosun “Neftçi” karyerası bitir. 4 il sənə bəs etdi?
– Düşünürəm ki, “Neftçi” artıq heyəti dəyişməlidir. Mən getməklə ən yaxşı yolu seçəcəm. Bu, həm komandaya, həm mənə xeyir edəcək.
– Bu “Neftçi”yə nə dərəcədə xeyir edəcək?
– Komanda dəyişəcək və yeni ruh gələcək.
FƏRİD
- Milli komanda2024-05-01 18:44
Milli komandamızın baş məşqçi postuna əsas namizəd bəlli oldu
- I Liqa2024-05-01 11:25
I Liqada 24-cü turun təyinatları müəyyənləşdi
- Ölkə futbolu2024-05-02 08:00
Bir aylıq istirahətin şərəfinə… Balaşın ariyası
- Müsahibə2024-05-01 10:02
Vadim “Araz-Naxçıvan”ı fərqləndirir: “Psixoloji cəhətdən axsayırdıq”