Premyer-liqa
“Kəpəz” üçün “menecer xidməti”: 2 min manatlıq iranlılar – VİDEO
Martın ilk günlərində “Kəpəz” bəyanat yayıb, a…
Martın ilk günlərində “Kəpəz” bəyanat yayıb, adından istifadə edən işbazların özlərini menecer kimi təqdim edərək, İrandan ölkəmizə futbolçu gətirdiklərini bildirmişdi. Futbolinfo.az həmin ərəfədə kluba müraciət edərək, məsələnin mahiyyəti barədə daha dolğun bilgi istəsə də, Gəncə təmsilçisi özlərinin araşdırma apardıqlarını bildirib, bu yöndə yardımçı olmaqdan imtina etmişdi.
Lakin axtarışlarımızı fərqli yöndə davam etdirib, həmin “menecerlər”in yazışmasını da tapdıq, videogörüntüsünü də. Nəzərə alsaq ki, yazışma translitlə və çoxsaylı qrammatik səvlərlə baş tutub, düzəlişlər etməyimizə zərurət yarandı.
“Salam, Murad bəy. Bu gün göndərdiyimiz sorğunun yekun günüdü. Hazırda bir futbolçu M.M.Reza barəsində klubumuza tam sorğu gəlib. T.Cavid barəsində miqrasiya xidməti bizə müddət vermədiyinə görə, futbolçu ölkəni tərk edib, viza mərhələsini keçdikdən sonra geri qayıdıb kluba qoşulacaq. Onun sorğusu barəsində yenidən müraciət əsasında miqrasiya idarəsinə faks yollamışıq. Mənfi cavab gəlib. Digər iki futbolçu S.S.Kazım və B.Bəhnam sorğunun cavabını gözləməlidi. Gün ərzində cavab gəlməzsə, M.M.Reza 24.02.16 tarixində klubun bazasına tək gəlməli olacaq. Əlavə informasiya olan kimi sizi məlumatlandıracağıq. Sağ olun!”
Göndərilən məktubdan da göründüyü kimi, geydirmə menecerlər qrupu özlərini “Kəpəz” rəsmiləri kimi qələmə verib və iranlı futbolçuları guya Gəncə klubuna gətirməyə söz veriblər. Adları hallananlardan M.M.Rezanın “transferi”nin “daha real” olduğu sezilir. Əldə etdiyimiz videoda isə artıq oyunçu “psixoloji və taktiki cəhətdən” təlimatlandırılır.
Görünən budu ki, həmin işbazlarla hüquq-mühafizə orqanları məşğul olmalıdı. Olacaqlarmı? Bunu deyə bilmərik. Ancaq fakt budu ki, iranlı oyunçuya 2 min manat maaş alacağı, 15 günlük baxış müddətindən sonra müqavilə imzalanacağı bildirilib.
Biz üzərimizə düşəni etdik. Maliyyə fırıldağı göz qabağındadı. Qalır məsələnin sonuna çıxmaq.
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Milli komanda2024-04-12 18:00
Millinin Gürcüstanla oyunlar üçün heyəti açıqlandı
- Ölkə futbolu2024-04-14 08:00
“Turan Tovuz” avrokubok mübarizəsinə qayıtdı