Milli komanda
"Qazaxıstanı Azərbaycana dəyişəcəyimi düşünənlər məni yaxşı tanımır"
Futzal üzrə Qazaxıstan yığmasının baş məşqçisi, e…
Futzal üzrə Qazaxıstan yığmasının baş məşqçisi, eləcə də bu ölkənin "Kayrat" klubunun braziliyalı çalışdırıcısı Kakau Azərbaycan millisini çalışdıracağına dair yaranan ehtimallara münasibət bildirib. Futbolinfo.az xəbər verir ki, o, çalışdığı klubun rəsmi saytına açıqlamasında bu məsələyə görə Qazaxıstanda yaranmış narahatlığa ciddi əsasların olmadığını bəyan edib:
"Azərbaycanlı jurnalist mənə zəng etdi, bir neçə sualını cavablamağımı xahiş etdi. Təbii ki, mən də bundan imtina etmədim. Digər həmkarlarınız kimi siz də bilirsiniz ki, mən müsahibə verməkdən heç vaxt imtina etmirəm. Biz mənim Qazaxıstan yığmasında başa çatmaq üzrə olan müqaviləmdən danışdıq, eləcə də digər məsələlərlə bağlı fikirlərimi bölüşdüm.
Qazaxıstan yığmasından ayrılacağım barədə xəbərlərə gəlincə, siz ilk növbədə onu unudursunuz ki, mənim "Kayrat"la müqaviləm var. Polşaya qarşı keçirdiyimiz pley-off oyunlarından sonra Qazaxıstan Futbol Federasiyasının prezidenti Erlan Kojaqapanovla söhbətimiz oldu və mən Kolumbiyada keçiriləcək dünya çempionatının sonuna kimi millidə qalacağıma dair razılıq verdim. Verdiyim sözə əməl etməyə alışmışam. Həm də Qazaxıstanda qalıb çalışmağı özüm də istəyirəm. Nəzərə alın ki, mən yığma komanda ilə dörd ilə yaxındır müqaviləsiz çalışmışam. Amma buna fikir verməmişəm. Çünki Qazaxıstan mənim ikinci evimdir. Bu gözəl ölkənin hər bucağında dostlarım var və buranı tərk etmək asan olmaz.
Qeyd edim ki, Azərbaycan yığmasını çalışdırmaqla bağlı aldığım təklif təkcə maliyyə baxımından cəlbedici deyildi. Amma mən razı olsam, "Kayrat"ı da tərk etməli olacağam. Halbuki, bu klubla 2018-ci ilədək müqaviləm var. Buna görə də Qazaxıstan yığması ilə istənilən vaxt yığmada çalışmağa dair rəsmi müqaviləni imzalaya bilərəm. Qarşıda dünya çempionatı var. Kimsə belə məsuliyyətli bir yarışda komandanı tərk edəcəyimi düşünürsə, deməli, məni yaxşı tanımır. Azərbaycan tərəfinə maraqlı müqavilə təklifinə görə bir daha təşəkkürümü bildirirəm. Amma indi komandamı tərk edə bilmərəm".
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…