Premyer-liqa
“Qarabağ” üçün gözəl şans
Topaz Premyer Liqasının 32-ci turundan sonra “Qarabağ”?…
Topaz Premyer Liqasının 32-ci turundan sonra “Qarabağ”ın 2015/16 mövsümünün qalibi olduğu rəsmiləşdi. Bununla da Ağdam təmsilçisinin növbəti mövsüm ölkəmizi Çempionlar Liqasında təmsil edəcəyi müəyyənləşdi.
İndi əksəriyyəti maraqlandıran əsas məsələlərdən biri də təmsilçimizin qitənin ən nüfuzlu klub turnirindəki rəqiblərinin kimliyidi. Çünki ÇL-də qrup mərhələsini arzuladığımız bir vaxtda bəxtimizə münasib rəqibin düşməsinin də önəmi var.
Komandamız ÇL-də 2-ci təsnifat mərhələsindən mübarizəyə qoşulacaq. Qurban Qurbanovun yetirmələri bu mərhələdə əvvəlki 2 mövsümdə olduğu kimi, güclülərin yer aldığı “səpələnmişlər” qrupunda yer alacaq. Təmsilçimizin bu mərhələdəki rəqibi reytqincə aşağı olan komandalardan biri olacaq.
Son 2 mövsümdə bu mərhələni uğurla adlayan “atlılar” 3-cü təsnifat mərhələsində mübarizəni dayandıraraq, iştirakını Avropa Liqasında davam etdirib. Buna baxmayaraq, Avroliqada yığılan xallar komandamızın dadına çata bilər. Hazırda aktivində 13.475 əmsal olan “Qarabağ” 3-cü təsnifat mərhələsində də “səpələnmişlər” qrupunda yer ala bilər. Belə olan təqdirdə, ağdamlılar ÇL-in pley-off mərhələsinə yüksəlmək üçün əla şans əldə etmiş olacaq. Hazırda 2-ci mərhələdən mübarizəyə başlayacaq komandalar arasında reytinqinə görə 4-cü olan təmsilçimiz 3-cü mərhələdə də “səpələnmişlər” qrupunda yer alsa, ən yaxşı halda səbətinin sonuncusu ola bilər.
Bunun baş verməsi Polşa, İsrail, Sloveniya və Moldova çempionatlarının nəticələrindən çox asılıdı. Belə ki, hazırda adı çəkilən ölkələrin çempionatında ilk pillənin sahibi olan komandalar reytinqcə “Qarabağ”dan aşağıdı. Yalnız Polşa çempionatında yüksək əmsala malik “Legiya” 1-ci yerdə gedir ki, onun da təmsilçimizdən aşağı əmsala malik olan “Piast”la xalları eynidi. Əgər Polşa Ekstraklasasında “Piast”, İsrail Premyer Liqasında “Hapoel” (Ber Şeva), Sloveniya PrvaLiqasında “Olimpik” (Lyublyuna), Moldova çempionatında isə “Daçiya” qalib olarsa, “Qarabağ” özündən zəif əmsala malik komanda ilə qarşılaşacaq. Bu isə ağdamlıların Azərbaycan futbolu tarixində ilk dəfə ÇL-in pley-offunda təmsil olunmasına səbəb ola bilər.
- Premyer-liqa2024-04-14 20:55
“Qarabağ” “Sabah”a uduzdu
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Ölkə futbolu2024-04-14 08:00
“Turan Tovuz” avrokubok mübarizəsinə qayıtdı