Ölkə futbolu
Tahir Süleymanov: “UEFA rəhbərliyi heç bu məqama fikir də verməyib”
Sabah 17 yaşlılar arasında Avropa çempionatının startı ve…
Sabah 17 yaşlılar arasında Avropa çempionatının startı veriləcək. Bakıda keçiriləcək yarışda müvafiq yaş qrupundan olan yığmamız da ev sahibi qismində iştirak edəcək. Ölkəmiz turnirdə tək yığmayla yox, 2 FİFA referisi ilə də təmsil olunacaq. Söhbət Əliyar Ağayevlə Orxan Məmmədovdan gedir. Hər iki ədalət təmsilçisi yarışda 4-cü hakim funksiyasını icra edəcəklər.
Ən çox diqqətçəkən məqam isə Məmmədovun ilk oyun günündəcə diqqət mərkəzinə düşməsidi. Doğrudu, Əliyar Ağayev də açılış günü 4-cü hakim funksiyasını yerinə yetirəcək. Ancaq məsələ burasındadı ki, Orxan yığmamızın maraq dairəsində olan oyuna təyinat alıb. Söhbət Belçika və Şotlandiya yığmalarının oyunundan gedir. İlk baxışdan 4-cü hakimin oyunun müqəddəratına təsir etmək şansının olmadığı təəssüratı yaransa da, həqiqətdə bu, belə deyil. Çünki baş hakim zədələnəcəyi təqdirdə, onu Orxan Məmmədov əvəzləyəcək. Nəzərə alsaq ki, söhbət Azərbaycan yığmasının yer aldığı qrupdan gedir, azərbaycanlı hakimin maraqlı tərəf kimi oyunu idarə etməsi qeyri-mümkündü.
Məsələylə bağlı beynəlxalq dərəcəli hakim Tahir Süleymanovun da mövqeyini öyrəndik. “Neftçi”nin sabiq vitse-prezidenti məsələyə belə münasibət bildirdi:
“FİFA və UEFA prezidentlərinin korrupsiyaya bulaşdıqları üçün vəzifələrindən kənarlaşdırıldıqları bir dövrdə bu cür halın yaşanması təbidii. Əlbəttə ki, absurd qərardı. Ancaq görünür UEFA başbilənlərinin başları “daha qlobal məsələlər”ə qarışıb və bu kimi “xırda detallar”a vaxt tapa bilmirlər. Yuhansson UEFA prezidenti olduğu dövrdə Çempionlar Liqasının layihəsini gətirdi. Futbolun populyarlaşması üçün xeyli işlər gördü. Sonradan isə FİFA da, UEFA da futbolu çirkaba batırdılar. İndiki hakimliyə baxın. Səhvlərin sayı-hesabı bilinmir. Düşünməyin ki, bu, təsadüfən baş verir. Bu səbəbdən də azərbaycanlı hakimin yığmamızın yer aldığı qrupun oyununa təyinat almasına təəcüblənmirəm. UEFA rəhbərliyi o qədər kənar işlərlə məşğuldu ki, heç bu məqama fikir də verməyiblər”.
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Digər idman növləri2024-05-09 12:52
Kramarenkonun qızı millimizdə? – “Bu, ölkəmə xəyanət olar”