Ölkə futbolu
“İnter” yaşlıları “Sumqayıt”dan gələnlərlə əvəzləyir
Ağabala Ramazanovu heyətinə qatmağa hazırlaşan “İnter&rdq…
Ağabala Ramazanovu heyətinə qatmağa hazırlaşan “İnter”in heyətində bəzi dəyişikliklər gözlənilir. “Sumqayıt”dan gələcək futbolçunun hücumçu olduğunu nəzərə alsaq, gedənlərdən ən azı birinin ön xətt oyunçusu olacağını deyə bilərik.
Futbolinfo.az xəbər verir ki, aparıcı oyunçularını qorumağı qərara alan “bankirlər” əsasən xeyir görmədiyi futbolçuları yola salmaq niyyətindədi. Belə oyunçuların başında isə Vüqar Nadirovla Yuri Fomenko gəlir. Məşqçilər heyəti hər iki futbolçudan narazıdı.
Laşa Salukvadzeylə müqavilə müdəti də artırılmayacaq. Onun yerinə isə Slavik Alxasovun keçidi dəqiqləşmək üzrədi. Bu futbolçuyla da şifahi anlaşma əldə olunub.
Maraqlıdı ki, “İnter”in 3-cü transferi də “Sumqayıt”dan olacaq. Qapıçı Səlahət Ağayevlə keçmiş klubuna dönmək üçün danışıqlar başlayıb. O, geri qayıdarsa, əsas heyətə düşmək uğrunda yenidən millimizin əsas qapıçısı Kamran Ağayevlə rəqabət aparmalı olacaq. Belədə yaşı ötmüş Georgi Lomaya da Gürcüstana qayıtmalı olacaq.
Göründüyü kimi, “İnter” əsasən veteranlarla vidalaşır, onları millimizin gənc üzvləri ilə əvəzləyir. Beləcə komanda öncə yerli bazarda işlərini yekunlaşdırmaq, daha sonra əcnəbi bazarına müraciət etmək fikrindədi.