I Liqa
“Neftçala”nın kubok düyününə PFL-dən rəsmi açıqlama
Bu gün 1-ci divizionun son turunun qarşılaşmaları keç…
Bu gün 1-ci divizionun son turunun qarşılaşmaları keçirilib. Neftçalada rayonun eyniadlı komandası Mingəçevir təmsilçisi “Energetik”ə 10:0 hesabı ilə əsl divan tutaraq, hələ ötən tur rəsmiləşdirdiyi çempionluğu özünəməxsus qaydada qeyd edib. Maraqlıdı ki, görüş başa çatdıqdan sonra “Neftçala”ya təqdim olunan çempionluq Kuboku və medallarla bağlı düyün yaranıb. Komanda üzvləri və baş məşqçi PFL prezidenti Ramin Musayevin təqdim edəcəyi mükafatdan imtina etmək istəyiblər. Məsələyə aydınlıq gətirmək üçün PFL-in mətbuat xidmətinin rəhbəri Aslan Şahgəldiyevə müraciət etdik. Futbolinfo.az saytına danışan Aslan bəy hər şeyin ən yüksək səviyyədə keçdiyini bildirdi.
O, aranı qarışdırmaq istəyən “3-cü qüvvə”nin istəyinə çata bilmədiyini dilə gətirdi: “Kimliyini bilmirəm, amma məşqçi və futbolçu heyətinə “Neftçala”nın növbəti mövsüm də Premyer Liqaya buraxılmayacağını bildirib. Bu məsələni daim diqqət mərkəzində saxlayan elə ancaq futbolinfo.az saytıdı. Özünüz də bilirsiniz ki, lisenziya ilə bağlı qərar hələ verilməyib. Klub üzvlərinə isə bildiriblər ki, elitaya artıq kimin yüksələcəyi rəsmiləşib. PFL prezidenti də meydan sahiblərinə vəziyyətin həqiqətdə necə olduğunu izah etdi. Vəssəlam. Bundan sonra təltifetmə mərasimi keçirildi. Kamal müəllim də təltifetmədə iştirak etdi”.
Qeyd edək ki, ötən mövsüm “Neftçala” 1-ci divizionda çempion olsa da, lisenziya ala bilmədiyi üçün Premyer Liqaya buraxılmamışdı. Necə deyərlər, “başına gələn, başmaqçı olar”. Görünür, klub da bunu nəzərə alaraq, PFL-ə psixoloji təzyioq göstərmək istəyib. Ancaq reallıq budu ki, hazırda lisenziya ilə bağlı qərar verilməyib və “Neftçala”nın da elitada iştirak edib-etməyəcəyi rəsmən bildirilə bilməz.
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Milli komanda2024-04-12 18:00
Millinin Gürcüstanla oyunlar üçün heyəti açıqlandı
- Ölkə futbolu2024-04-14 08:00
“Turan Tovuz” avrokubok mübarizəsinə qayıtdı