Dünya futbolu
“Azərbaycanda qazandığım təcrübə mənə çox faydalı olacaq”
“Avropa çempionatı çox böyük turnirdi. …
“Avropa çempionatı çox böyük turnirdi. Bunu yarışa qatılan komandaların səviyyəsindən anlamaq olur”. Futbolinfo.az xəbər verir ki, bu sözləri İngiltərənin 17 yaşadək futbolçulardan ibarət yığmasının üzvü Andre Dozzell deyib.
Bakıda keçirilən U-17-lərin Avropa çempionatında ingilislər ilk vəzifənin öhdəsindən gəliblər. İsveç, Danimarka və Fransa ilə birlikdə C qrupunda mübarizə aparan Britaniya təmsilçisi qrup ikincisi kimi adını ¼ finala yazdırıb.
Dozzel İngiltərə Futbol Federasiyasının rəsmi saytına açıqlamasında Avropa çempionatı haqda danışıb. “Arsenal”ın maraq dairəsində olan “İpsviç”in yarımmüdafiəçisi turnir barədə müsbət fikirlər səsləndirib: “Ueyn Runi, Ceyms Milner və Ross Barkli kimi məşhur futbolçular vaxtilə U-17-lər arasında keçirilən Avropa çempionatında iştirak ediblər. Onlar bu turnirdə parlayıblarsa, mən də həmin yolu getməliyəm. Axı Runi və digərləri ulduz olana qədər U-17-in aparıcı oyunçusu olublar. Odu ki, Bakıdakı yarışa böyük önəm verirəm. Azərbaycanda qazandığım təcrübə mənə çox faydalı olacaq. Eləcə də, komanda yoldaşlarım bu turnirdə qazandıqları təcrübənin hesabına daha peşəkar futbolçuya çevriləcəklər”.
Qeyd edək ki, İngiltərə yığması ¼ finalda D qrupunun birincisi İspaniya ilə üz-üzə gələcək. (Apasport)
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Ölkə futbolu2024-04-14 08:00
“Turan Tovuz” avrokubok mübarizəsinə qayıtdı
- Premyer-liqa2024-04-12 20:56
“Sumqayıt”la “Zirə”dən heç-heçə