Ölkə futbolu
Didye Deşam: "Rumıniya bizə sürpriz etmək istəyəcək"
"Futbolçuların üzərində məsuliyyət var. İki ild…
"Futbolçuların üzərində məsuliyyət var. İki ildir ki, bu turnirə hazırlaşırıq. Son rəsmi matçımızı dünya çempionatında Almaniyaya qarşı keçirmişik. Bundan sonra yoxlama görüşlərində oynamışıq. Buna görə də açılış matçı bizim üçün xüsusidir".
Futbolinfo.az xəbər verir ki, bu sözləri Fransa millisinin baş məşqçisi Didye Deşam "Avro-2016"da Rumıniya ilə açılış matçı öncəsi deyib.
O, rəqibin mübarizəsiz təslim olmayacağını bildirib: "Düzdür, biz Fransada oynayırıq, amma Rumıniya mübarizəsiz təslim olmayacaq. Onlar yaxşı nəticə üçün bütün güclərini sərf edəcəklər. Bu komanda müdafiədə yaxşı oynayır. Rumınlar qələbə qazanmaq istəyirlərlə, qarşılaşma ərzində ancaq müdafiə olunmayacaqlar. Rəqibin son oyunlarına baxmışam. Onlar hücumda da yaxşı çıxış edirlər. Rumıniya bizə sürpriz etmək istəyəcək. Maraqlı 90 dəqiqəqinin keçəcəyini düşünürəm".
Təcrübəli mütəxəssis futbolçusu Pol Poqba haqda çıxan transfer iddialarının onun oyununa təsir etməyəcəyini də vurğulayıb:
"Poqba hazırda millidəki oyunları düşünür. Haqqında çıxan transfer xəbərləri onun əhval-ruhiyyəsində təsir etmir. O, gənc futbolçu olmasına baxmayaraq, belə vəziyyətlə öyrəşib. Azarkeşlər bu turnirdə Poqbadan çox şey gözləyir. Çünki o, qeyri-adi texnikaya malik oyunçudur. Ancaq Poqba topa hər toxunuşunda azarkeşləri ayağa qaldırmağa məcbur deyil. Mənə ona bəzən sadə oynamaq lazım olduğunu demişəm. Poqba yarımmüdafiəçidir, komandanın on nömrəsi deyil".