Ölkə futbolu
"Neftçi" üçün potensial azarkeş ordusu – FOTOLAR
Dünən “Bakcell Arena” böyük izdiham var id…
Dünən “Bakcell Arena” böyük izdiham var idi. Amma arenaya toplaşanlar budəfə futbola baxmağa gəlməmişdilər.
Arenada gənclər üçün festival keçirilirdi. “Neftçi” və “İB Club”un birgə layihəsi olan tədbir gənclərin asudə vaxtının maraqlı keçirməsi, istirahət etməsi üçün nəzərdə tutulmuşdu.
Festival saat 18:00-da başlamalı olsa da, “Bakcell Arena”nın önündə böyük qələbəlik var idi. İlk dəfə idi ki, arenanın qarşısında xanımların sayı daha çox idi. Bundan başqa, sektorlara girişlərə yaxın yerlərdə müxtəlif əyləncəli proqramlar təşkil olunmuşdu. Demək olar ki, tribunalarda boş yer tapmaq çətin idi. Tribunalarda sonuncu dəfə belə izdihamı avrokuboklar vaxtı görmək olardı.
Tədbirin aparıcıları Hüsniyyə Məhərrəmova və Murad Arif idi. Onlar da ilk olaraq, sözü “Neftçi”nin Müşahidə Şurasının rəhbəri Çingiz Abdullayevə və şuranın üzvü Bəhram Bağırzadəyə verdi. “Ağ-qaralar”ın rəsmiləri gənclərə arzularını çatdırıb, xoş istirahətlər arzuladı. Ardınca isə səhnəyə müğənnilər – Günay İbrahimli, Rauf və s. dəvət edildi. Oxuduğu mahnılarla gəncləri əyləndirən müğənnilər onların istrahət etməsinə yardım etdilər.
Bu aksiyadan "Neftçi" də qazandı. Klub bu gənclərin sayəsində 10 minə yaxın potensial azarkeşi ilə tanış oldu. Bu dəfə gənclər festivalına görə arenaya gələnlərin böyük hissəsi yəqin ki, avrokubok matçlarında, daha sonra çempionat oyunlarnda bakılıları tək qoymayacaq. Auditoriyanın gənclərdən təşkil olunması faktı da belə deməyə əsas verir.
ELMAR ABDULLA-ZADƏ
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-22 08:34
Musa “Yurqorden” dəftərini bağladı?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”