Ölkə futbolu
Oleq Bejenar: "Bakıda bizi ancaq qələbə qane edəcək"
"Bakı kimi gözəl şəhərdə olmaqdan şadam. Gözəl …
"Bakı kimi gözəl şəhərdə olmaqdan şadam. Gözəl insanların əhatəsindəyik". Futbolinfo.az saytının məlumatına görə, bu sözləri "Daçiya"nın baş məşqçisi Oleq Bejenar deyib.0
Moldova təmsilçisi Avropa Liqasının birinci təsnifat mərhələsi çərçivəsində sabah "Kəpəz"in qonağı olacaq. Bejenar bu gün keçirilən mətbuat konfransında iddialı danışıb: "Bizi çətin oyun gözləyir. Nə baş verəcəyini sabah özünüz görəcəksiniz."
– "Kəpəz" barədə hansı məlumata maliksiniz?
– Düzdü, 1-2 oyunlarına baxmışıq. Amma az məlumatımız var. Müəyyən informasiyaya malikəm. Fiziki cəhətdən çox güclüdülər. Amma çalışacağıq sabah meydandan qalibiyyətlə ayrılaq.
– "Kəpəz"in hansı oyunlarını izləmisiz?
– Çempionat oyunlarını. Toplanışda olduğumuz üçün son görüşlərini tam izləyə bilməmişəm. Amma nümayəndəmiz son matçlarını izləyib. 6:0 hesabı ilə qələbə qazanıblar. Düzdü, həvəskar səviyyədə komandaya qalib gəliblər. Amma onların yaxşı futbolçuları olduğunu deyə bilərəm.
– Sabah sizi hansı nəticə qane edir?
– Biz hər oyuna qələbə üçün çıxırıq. İstəyir "Spartak" olsun, istəyir bir başqası. Ambisiyalı prezidentimiz var. O həmişə iddialı olmaq istəyir. Bizi ancaq qələbə qane edir.
– Görünüşünüzə görə, qafqazlılara oxşayırsınız…
– Təmiz moldovan deyiləm. Ukrayna və bolqar qarışığım var. Amma təəssüf ki, qafqazlılara əlaqəm yoxdu.
– Azərbaycanda gördüklərinizdən təəccübləndiniz?
– Gördüklərimdən təəccüblənmədim. Azərbaycan sürətlə inkişaf edir. Belə də olmalı idi.
– Oyunun taleyini burda həll etməyə çalışacaqsız?
– Sabahkı nəticədən asılı olmayaraq, cütün taleyinə cavab görüşündə aydınlıq gələcək.
– Heyəti müəyyənləşdirmisiz?
– Heyət bəllidi, amma açıqlaya bilmərəm. Rəqibdən çəkinmirəm. Rəqib bizdən çəkinsin.
ELMAR ABDULLA-ZADƏ
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…