Mini Futbol Kuboku üçün qeydiyyat qaydaları

MFK-nın ikinci, yay çempionatına start verilir. İyulun 24-də başlayacaq kubok oyunları avqustun 20-nə kimi davam edəcək. 

Çempionatda iştirak etmək istəyən komandalar iyulun 5-dən qeydiyyatdan keçmək üçün müraciət ərizələrini göndərə bilərlər. Müraciətlərin son tarixi 18 iyul, saat 21:00-dır. Qeydiyyatdan keçən hər komanda 200 AZN dəyərində rüsum ödəməlidir.

Qeydiyyat şərtləri:

– Yaşı 16-dan yuxarı olan hər kəs şəxsiyyəti təsdiqləyən sənədi təqdim etməklə çempionata qatıla bilər;

– Hər komanda 10 nəfərlik heyətlə qeydiyyatdan keçməlidir. Oyunçulardan altısı meydanda (5 oyunçu və 1 qapıçı) olacaq, ikisi ehtiyat oyunçular skamyasında əyləşəcək. Qeydiyyatdan keçən digər 2 oyunçu isə hər hansı futbolçu ciddi zədələnərsə və birdəfəlik oyundan kənarlaşarsa, 8 nəfərlik heyəti bərpa etmək üçün oyuna qatılacaq;

– Son 3 ildə peşəkar futbolla məşğul olanlar çempionata qatıla bilməzlər;

– Futzal üzrə Azərbaycan çempionatının yüksək liqasında iştirak edənlər çempionata qatıla bilməzlər;

– Meydançaların üzəri torla örtülü olacaq;

– Kubok oyunlarında istifadə olunacaq futbol topunun ölçüsü 5-dir.

Çempionatın formatı barəsində ətraflı məlumat komandaların qeydiyyatı başa çatdıqdan sonra veriləcəkdir.

Qeyd edək ki, həvəskar futbolçuların kubok yarışmasının budəfəki qalibləri San-Marinoya – 2018-ci ildə keçiriləcək Dünya Çempionatının seçmə mərhələsi çərçivəsində San-Marino – Azərbaycan oyununu izləməyə gedəcəklər! Qalib komandanın bütün xərcləri – yol, otel, qidalanma, oyuna bilet məsrəfləri MFL şirkəti tərəfindən qarşılanacaq.

P.S. Qeydiyyat və əlavə məlumat üçün (+994) 055 263 73 12 nömrəsi ilə əlaqə saxlaya, eyni zamanda info@sportmarketing.az elektron ünvanına yaza bilərsiniz. Ətraflı məlumat üçün MFL-in https://www.facebook.com/mfl.baku "facebook" səhifəsi“i izləyin.