Ölkə futbolu
"Neftçi" "Şkendiya" ilə ilk oyunda bacarmadı
Bu gün Avropa Liqasının ikinci təsnifat mərhələsinin ilk oy…
Bu gün Avropa Liqasının ikinci təsnifat mərhələsinin ilk oyunları keçirilib. Futbolinfo.az xəbər verir ki, Azərbaycanı qitənin nüfuzuna görə ikinci dərəcəli turnirində təmsil edən "Neftçi" də növbəti matçına çıxıb.
Vəli Qasımovun çalışdırdığı komandamız Makedoniya "Şkendiya"sı ilə qarşılaşıb. Təmsilçimiz bu rəqibi ilə ilk oyunu doğma meydanda keçirib. İlk mərhələdə Malta "Baltsan"ını mübarizədən kənarlaşdıran (səfərdə 2:0, evdə 1:2) "ağ-qaralar" üçüncü tura vəsiqə qazanmaq üçün Bakıdakı görüşdə makedoniyalıları məğlub etməyə borcluydu.
Lakin təəssüf ki, "Neftçi" Makedoniya klubu ilə ilk oyunda qolsuz heç-heçəyə razılaşmalı olub. Bu üzdən də cütlüyün taleyinə səfər oyununda aydınlıq gələcək. Yeri gəlmişkən qeyd edək ki, cavab matçında "Neftçi"yə mərhələ adlamaq üçün hətta qollu heç-heçə də bəs edəcək.
Avropa Liqası
İkinci təsnifat mərhələsi, ilk oyun
14 iyul
“Neftçi” – “Şkendiya” – 0:0
Sarı vərəqə: M.Ağayev, 48. A.Alimi, 57. S.Vuyçiç, 75.
Baş hakim: Sergey Tsinkeviç (Belarus).
Bakı. 8-ci km stadionu.
"Neftçi": 1. Krşevan Santini, 3. Jayro, 7. Araz Abdullayev (k), 11. Ruslan Qurbanov (8. Elşən Abdullayev, 86), 13. Murad Ağayev (10. Cavid İmamverdiyev, 78), 17. Rəhman Hacıyev, 19. Fəhmin Muradbəyli, 22. Vançe Şikov, 27. Məqsəd İsayev, 30. Dario Melnyak, 80. Edson Kastilyo.
Ehtiyat oyunçular: 66. Kamran İbrahimov, 4. Rahil Məmmədov, 26. Kamal Qurbanov, 41. Ömər Buludov, 95. Elvin Bədəlov.
Baş məşqçi: Vəli Qasımov.
"Şkendiya": 1. Kostadin Zahov, 4. Eqzon Beytulay, 5. Armen Alimi, 6. Ardian Çuçuli, 7. Besart İbraimi (33. Artim Polozani, 90+2), 10. Feran Hasani (k), 14. Maryan Radeski, 18. Stenio Junior, 23. Beşir Demiri, 77. Blaqoja Todorovski, 88. Stefan Vuyçiç.
Ehtiyat oyunçular: 12. Marko Yovanovski, 11. Demir İmeri, 16. Mevlan Murati, 19. Besmir Boyku, 20. Viktor Juffo, 27. Şçiprim Taipi.
Baş məşqçi: Bruno Akrapoviç.