Ölkə futbolu
“Gümüş medal məsuliyyətimizi daha da artırıb”
Azərbaycan milli komandasının və “Zirə” klubunu…
Azərbaycan milli komandasının və “Zirə” klubunun qapıçısı Anar Nəzirovun futbolinfo.az saytına müsahibəsi:
– Çempionatın başlanmasına az qalıb. Azərbaycan və Türkiyədə təlim-məşq toplanışı keçmiş “Zirə”ni yarışa hazır saya bilərik?
– Bildiyiniz kimi, hazırlığın ilk mərhələsini Bakıda keçirdik. Bakı toplanışında əsasən fiziki hazırlığa üstünlük versək də, 4 yoxlama oyununda da qüvvəmizi sınadıq. İkinci mərhələ üçün Türkiyədəyik. Burada əsasən komanda texniki və taktiki cəhətdən hazırlaşır. 1 yoxlama oyunu keçirdik. Düşünürəm ki, komanda çempionata 70, 75 faiz hazırdı. Qarşıdakı günlərdə həmin çatışmazlıqları aradan qaldırmağa çalışacağıq.
– Premyer Liqada 2016/2017-ci illər mövsümünün ilk turunun püşkatması keçirildi. İlk turda “Zirə” sabiq komandan “Sumqayıt”ı qəbul edəcək. Düşüncələrin nədən ibarətdir?
– Bəli, püşkün nəticəsi ilə tanışam. Düşünürəm ki, çempionat çox çətin keçəcək. 8 komandalı yarışda zəif axtarmaq olmaz. Çempionatın nə qədər gərgin olacağı indidən bəllidir. Bu gərginliyi ilk turdan hiss edəcəyik. Çünki “Sumqayıt” yaxşı gənclərə və təcrübəli futbolçulara malikdir. İlk turda bizi çox çətin qarşılaşma gözləyir.
– Düşərgəyə yeni qoşulan futbolçular var. Onların komandaya uyğunlaşma mərhələsində olması planlara necə təsir göstərə bilər?
– Bəli, heyətdə müəyyən dəyişiklik oldu. Gedənlər var, gələnlər var. Bu isə futbolda normaldı. Təlim-məşq toplanışları isə yeni oyunçuların komandaya, kollektivə uyğunlaşması üçün çox vacibdir. Düşərgəmizdə ümumi ab-hava normaldır. Hər şey plan üzrə gedir.
– Premyer Liqadakı debüt iliniz “Zirə” üçün uğurlu oldu. Komanda ilk mövsümü gümüş medalla bitirdi. Gümüş sanki çiyninizə ağır yük qoyur…
– Əlbəttə. Ötən mövsümkü nəticəyə əsaslanıb deyə bilərik ki, məsuliyyətimiz çoxdur. Gümüş məsuliyyəti daha da artırıb. Komandadan təlabatın çoxalması normaldı. Çünki biz ilk ildə nəticə vermişik. Çalışacağıq ki, bu il də “Zirə” azarkeşlərini sevindirək.
– “Zirə”nin cari mövsüm üçün konkret hədəfi nədən ibarətdir?
– “Zirə” ötən il həqiqətən də yaxşı işlər bacardı. Hazırda bizimlə olmayan bəzi oyunçulara təşəkkür etmək istəyirəm. Onlar uğur qazanılması üçün var qüvvələrini ortaya qoydular. Yeni oyunçularımız da peşəkar və istəklidirlər. Bizim əsas hədəfimiz ailə mühiti yaratmaqdı. Sağlam kollektiv olduqdan sonra yaxşı nəticələr də qazanacağıq.
CAVAD
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Premyer-liqa2024-04-30 09:30
“Yalnız birlikdə olaraq uğurlar qazana bilərik” – Ozobiç
- I Liqa2024-04-30 14:45
“Araz Saatlı”nın məşqçisinə 2 oyunluq cəza