Ölkə futbolu
Yetər ki, tarix təkrarlansın
“Lill” – “Qəbələ” oyunu bir sıra mar…
“Lill” – “Qəbələ” oyunu bir sıra maraqlı məqamlarla yadda qalıb. Futbolinfo.az xəbər verir ki, dünən Fransada keçirilən və 1:1 hesabı ilə yekunlaşan görüşdə təmsilçimizin qolunun müəllifi Vitali Vernidub “qırmızı-qaralar”ın heyətində nəinki avrokuboklarda, ümumiyyətlə, ilk qoluna imza atdı. Bundan başqa, təmsilçilərimiz Fransada keçirilən 4-cü qarşılaşmasında 2-ci dəfə 1:1 hesabı ilə vətənə dönür. Buna kimi 2 il əvvəl “Qarabağ” “Sent Etiyen”lə görüşdə bu uğura imza atmışdı.
Keçmişə nəzər salsaq, görərik ki, “Qəbələ” tarixində 2-ci dəfədi ki, səfərdən 1:1 hesablı nəticəyə imza atır. İlk dəfə bu hal ötən mövsüm Kiprdə “Apollon”la keçirilən görüşdə qeydə alınmışdı. Maraqlıdı ki, həmin qarşılaşma da AL-in 3-cü təsnifat mərhələsi çərçivəsində oynanılmışdı. Cavab matçı isə əyalət təmsilçisinin 1:0 hesablı qələbəsi ilə başa çatmışdı. Tarix təkrarlansa, Roman Qriqroçukun yetirmələri pley-offa vəsiqə qazanacaq.
Ümumiyyətlə, statistikaya nəzər salsaq, görərik ki, indiyə kimi təmsilçilərimiz 6 dəfə səfərdən 1:1 hesablı nəticə ilə evə dönüb və bunların 5-də Bakıda keçirilən cavab görüşündə sərfəli nəticə qazanmaq mümkün olub.
2006. “Qarabağ” 1:2 “Zimbru” (Azərbaycan) (UK)
2008. “Neftçi” 1:0 “Jerminal” (Belçika) (İK)
2011. “Qarabağ” 0:0 “Streymur” (Farer adaları) (AL)
2012. “Xəzər Lənkəran” 1:0 “Slima Uonders” (Malta) (AL)
2015. “İnter” 0:0 “Laçi” (Albaniya) (AL)
2015. “Qəbələ” 1:0 “Apollon” (Kipr) (AL)