Ölkə futbolu

Sındırılan alışqan, sınan qələm(lər)

Plzen. Çempionlar Liqasının 3-cü təsnifat mərhələsin…

Saat: 05:23 Tarix: 03/08/2016

tərəfindən paylaşıldı

Plzen. Çempionlar Liqasının 3-cü təsnifat mərhələsinin ilk oyunu. “Qarabağ”ı qəbul edən “Viktoriya” azlıqda qalır. Onsuz da fərdi ustalıq baxımından Azərbaycan çempionuna uduzan meydan sahiblərini əzmək üçün gözəl şans yaranır. “Qarabağ” isə tələsmir, nəinki tələsmir, ümumiyyətlə, hücum haqda düşünmür. “Viktoriya” (tərcümədə “Qələbə”) adına ümid edir, ağdamlılar isə Allaha…

İlk oyundan sonrakı günlər… Çexiyadan qolsuz bərabərliklə dönən “Qarabağ” ölkə mətbuatının azad hissəsinin tənqidinə tuş gəlir. Sifarişli yazılar ciddiyə alınır, lakin hamı bilir ki, Azərbaycan çempionu səfərdəki qarşılaşmanın son 15 dəqiqəsində rəqib qapısının torunu silkələməyə cəhd etməli idi. Alınıb-alınmayacağına dair heç kim təminat verə bilməz. Ancaq rəqib aparıcı futbolçusunu əvəz edib, oyuna müdafiəçi salırsa, bu, “Viktoriya”nın qolsuz bərabərliyə cəhdindən xəbər verirdi…

Bakı. Saat 20:00-ı göstərir. İlk oyundakı “dişsiz” oyun unudulub. Azərbaycan “Qarabağ”ın yanındadı. Azarkeşi də, jurnalisti də, deputatı da. Vahid yumruq kimi. Cəmləşib ki, 20:30-da start götürəcək oyunda Çexiya çempionunu həlledici yumruq zərbəsi ilə nokauta göndərsin…

Tofiq Bəhramov adına Respublika stadionu 20:30-da ağzına kimi doludu. Sənan Şəfizadə fanatları qonaq komandanı təzyiq altında saxlamaq üçün son çağırışlarını edir. Amma ilk dəqiqələrdən qonaqlar təşəbbüsə yiyələnir. Meydan sahibləri həyəcanı boğa bilmir. Çoxsaylı ötürmə səhvlərinin bir bəhanəsi var: çempionumuz Azərbaycan tarixində ilk dəfə ÇL-in pley-offunun yaxınlığını hiss edir. “Viktoriya” nə “Borussiya” deyil, nə də “İnter”. “Qarabağ” isə ovaxtkı “Qarabağ” deyil. Ancaq bu duyğu Ağdam təmsilçisini sıxır.

Start həyəcanını boğmaq üçün 20 dəqiqəyə yaxın zaman kəsiyi tələb olunur. Topsuz “Qarabağ” atsız atlını xatırladır. Amma Plzen təmsilçisinin gücü tükənməz deyil. Aramsız hücumlar, pressinq tədricən səngiməyə başlayır…

Görüşün 28-ci dəqiqəsində 1 həftədi dediklərimiz əksini tabloda da tapır: Maksim Medvedevin 40 metrlik ötürməsinə şığıyan Muarem Muarem Matuş Kozaçiklə üz-üzə qalır və topu ustalıqla tora göndərir – 1:0.

Qoldan sonra Azərbaycan çempionu nəhayət ki, rəqibin qorxulu röya olmadığını anlayır. İndi Roman Pivanik məşqçi zonasında özünə yer tapa bilmir. Oyunçularını məzəmmət edən mütəxəssis az qalır özü meydana daxil olsun. İlk yarının bitiminə 4 dəqiqə qalmış Dani Kintana az qala bütün rəqib müdafiəçilirini aldadır və Muaremə ötürmə edir. Amma ikincinin Almeydanı zərbə mövqeyinə çıxarmasına baxmayaraq, braziliyalı topa bir anlıq gecikir. Fasiləyədək hesab dəyişmir…

İkinci hissədə mübarizə daha da qızışır və o həddə çatır ki, ot örtüyün bir parçası yerdən qopur. Artıq azarkeşlər ən "ağrılı yerimiz"i 30 minlik kütlənin vahid şüarıyla hayqırır: “Qarabağ bizimdi, bizim olacaq!”. “Viktoriya”nın baş məşqçisi bütün "kozır"larını döyüşə atır və meydanda açıq futbola “xeyir-dua” verir. “Qarabağ” nəhayət ki, istədiyi, gözlədiyimiz futbolu ortaya qoymağa başlayır.

Bu arada Muarem zədələnərək, əvəzlənməsini istəyir. Onun yerinə meydana daxil olan Əran İsmayılov “Viktoriya”nın qara kabusuna çevrilmək üçün ilk toxunuşdaca imkan yaxalayır. Amma Əfran çoxdan həmin Əfran deyil. “Monako” ilə görüşdə olduğu kimi, yenə də əldə etdiyi imkanı boşa verir.

Haşiyə. Əlimdəki qələmi qeyri-ixtiyari masaya çırpa-çırpa bir neçə hissəyə bölündükdən sonra ayıldım. Ancaq alışqan hələ salamat idi.

Az sonra İsmayılov yenidən rəqib əlcək sahibi ilə üz-üzə qalır. Ancaq bu dəfə zərbə vurmur, ötürmə edir. Nəticə isə yenə də eynidi: Migel Madeyra yüzfaizli epizodda, boş qapı önündə topa toxuna bilmir, tablodakı hesab dəyişmir. Bax, bu anda üzümü həmkarıma tutub, “bu, son idi, ÇL getdi”, deyirəm. Bəli, daha sonra Dani möhtəşəm reydi ilə səhnəyə çıxır, lakin həmin epizoddan sonra da qol gəlmir…

Haşiyə. Kintananın şansı qaçırdığı epizodda alışqan da sıradan çıxdı. Bu dəfə yerə çrıpılaraq.

Matçın bitiminə 10 dəqiqə qalmış Qurban Qurbanov Elvin Yunuszadəni meydana buraxır. Əksəriyyət bu əvəzetmənin həlledici olduğunu düşünür. Ancaq bu sətirlərin müəllifi fərqli fikirdədi. Yox-yox, heç də həmin əvəzetmənin doğru olduğunu iddia etmirəm. Sadəcə, hesab dəyişməsəydi, daha bir mərkəz müdafiəçisini döyüşə atdığına görə çoxları Qurbanovu göyün yeddinci qatına qaldıracaqdılar. Əslində isə…

Mahir Mədətov Plzendə start heyətində yer almalı deyildi; Mahir Mədətov Bakıdakı qarşılaşmada ilk "18-lik"də mütləq olmalı idi.

Və nəhayət!.. “Vurmayana vurarlar”, vurmaq istəməyənə isə vurmağa məhkumdular…

Plzendə vurmaq istəməyən “Qarabağ”a Bakıda vurdular.

Vəssalam. Qələmimiz qırıldı, yenisini alarıq. Alışqanımız qırıldı, yenisini alarıq. “Qarabağ”ın qələmi sındı, yenisini kim alacaq?!

CEYHUN ƏLİYEV

Əlaqəli xəbərlər:

Reklam

Ölkə futbolu2024-04-17 10:49

12 komandalı çempionat: necə etməli?

Ölkə futbolu2024-04-17 09:23

Mirzov “Neftçi”dən ayrılır: Premyer Liqadan təklifləri var

Milli komanda2024-04-17 12:23

Yığmamızın baş məşqçi postuna isveçrəli namizəd

Ölkə futbolu2024-04-17 08:17

“Qarabağ”da özümü rahat hiss edirəm”

Futbolinfo.az

Sındırılan alışqan, sınan qələm(lər)

Reklam

Azərbaycan cüdoçuları Avropa Kuboku turnirində iştirak edəcək

Azərbaycan boksçusu Avropa çempionatına qələbə ilə başladı

Azərbaycan çempionatında növbəti finalçı bəlli oldu

Azərbaycanlı hakim Paralimpiadanın cüdo yarışlarına dəvət aldı

Dibala da “Barselona”nın hədəfindədir

“Atletiko” 4 vidaya hazırlaşır

Azərbaycan çempionatında ikinci finalçı bəlli oldu

“Qusar”dan darmadağın

Liderdən növbəti qələbə

Millimizin heyətində dəyişiklik edildi

Azərbaycan şahmatçıları AÇ-də iştirak edəcəklər

“Roma” baş məşqçi ilə bağlı qərar verdi – RƏSMİ

Tanınmış şahmatçının qızı Azərbaycan çempionu oldu

İngiltərə kubokunun qaydaları dəyişdi

Şahmat Federasiyası yeni loqonun hazırlanması ilə bağlı müsabiqə elan etdi

“Arsenal” və “Liverpul”un eyni hədəfi

Van de Bek Almaniyada qalmayacaq

“Sxadadze gələndən sonra “Qəbələ”nin çempionatda qalmaq şansı artmadı”

Ferstappen planetin 100 ən güclü insanı arasında

MBA-da qaydalarda dəyişiklik edilir

“Neftçi” ilə oyunda basketbol bəxti üzümüzə gülmədi”

Qadın məşqçilərə diplomlar təqdim edildi

“Latsio” onunla müqaviləni yenilədi

Millimizin kapitanı Macarıstan çempionu oldu

Abasov bu gün hindistanlı şahmatçı ilə üz-üzə gələcək

Pusinin xarakter göstərmək zamanı: “Tanrı mənə kömək etdi”

İki futbolçuya 4 oyunluq cəza, iki komandaya texniki məğlubiyyət verildi

“Kəpəz”in futbolçusuna 4 oyunluq cəza

İntizam Komitəsi Premyer Liqa klublarını cəzalandırdı

Millimiz İnkişaf turnirində iştirak edəcək

Millimizin bolqarlarla heç-heçəsi – VİDEO

“Səbail” “Sumqayıt”a belə məğlub oldu – VİDEO

“Qəbələ” “Sabah”a belə qalib gəldi – VİDEO

“Kəpəz” “Sabah”a belə uduzdu – VİDEO

“Qəbələ” “Zirə”yə belə uduzdu – VİDEO

Qəbələdə 5 qol – VİDEO

“Səbail” “Neftçi”yə belə məğlub oldu – VİDEO

“Turan Tovuz”la “Qarabağ”ın məhsuldar heç-heçəsi – VİDEO

Ayxan Abbasov: “VAR-da olanlar başqa oyuna baxırdılar” – VİDEO

Qurban Qurbanov: “Oyunumuzdan razı qalmadım” – VİDEO

“Qarabağ”dan “Neftçi” üzərində inamlı qələbə – VİDEO

“Qəbələ” “Səbail”ə belə uduzdu – VİDEO

“Mütləq çempion olmaq kimi məqsədimiz yoxdur” – Rəşad Sadıqov

“Araz-Naxçıvan” “Zirə”yə belə qalib gəldi – VİDEO

“Kəpəz” “Qəbələ”yə belə uduzdu – VİDEO

Azər Məmmədov: “Çempionatın sonuna qədər…” – VİDEO

Elmar Baxşıyev: “Qələbə təsadüfi də ola bilər” – VİDEO

Gəncə azarkeşlərindən Tərlan Əhmədov səsləri – VİDEO

“Səbail”lə “Sabah”dan məhsuldar heç-heçə – VİDEO

“Turan Tovuz” “Neftçi”yə belə uduzdu – VİDEO

“Qəbələ” “Qarabağ”a belə uduzdu – VİDEO

“Səbail” “Araz-Naxçıvan”a belə qalib gəldi – VİDEO

“Sabah”la “Kəpəz”dən məhsuldar heç-heçə – VİDEO

“Zirə”nin “Neftçi” ilə heç-heçəsi – VİDEO

Turun açılış matçında heç-heçə – VİDEO

Millimiz Niderlandı belə darmadağın etdi – VİDEO

“Qarabağ” “Sabah”ı belə məğlub etdi – VİDEO

“Qəbələ”nin “Turan Tovuz”la heç-heçəsi – VİDEO

“Səbail”dən darmadağın – VİDEO

Azər Məmmədov: “Oyunumuz alınmadı” – VİDEO

Facebook

Gündəm