“Neftçi”nin yeni transferi sabah gəlir

Yeni mövsüm başlasa da, “Neftçi” transfer çalışmalarını yekunlaşdırmayıb. Bunun səbəbi heyətin yetərsiz olmasıdı.

Futbolinfo.az xəbər verir ki, elə bu üzdən “Neftçi” oyunçu axtarışını davam etdirir. Yarımmüdafiəçilər – Elşən Rzazadə və Orxan Bəşirovla yollarını ayıran “ağ-qaralar” onları legionerlə əvəz edəcək. Yeni gələn isə braziliyalıdı..

“Neftçi” yay transfer dönəmində 6-cı əcnəbi oyunçusu son mövsümü “Qranada”da keçirən Denilson Pereyradı. Müqavilə ilə Braziliyanın "Fluminense" klubuna məxsus olan və bir mövsümlük icarəyə götürülən hücumçu sabah Bakıya gələcək. Yeni komandası ilə rəsmi müqaviləyə qol çəkəcək 21 yaşlı forvard avqustun 10-da “Neftçi”nin heyətində ilk məşqinə çıxacaq. Bundan sonra klub onun adını Premyer Liqa üçün sifariş verəcək. Bu isə o deməkdi ki, Denilson 2-ci turda “Zirə” ilə keçiriləcək qarşılaşmada bakılıların heyətində debüt edə bilər.

Pereyra “Qranada”ya 2015-ci ildə "Fluminense"dən transfer edilib. Gənc oyunçu ötən mövsüm icarə əsasında "Qranada B"də 38 oyun keçirib, 10 qola imza atıb. Futbolçu "Fluminense"yə 2013-cü ildən keçib.