Vəli Qasımovun "Zirə" diaqnozu: "Arzuolunmazlar"

Premyer Liqanın 2-ci turu çərçivəsində keçirilən "Neftçi" – "Zirə" oyunundan sonra meydan sahiblərinin baş məşqçisi Vəli Qasımov mətbuat konfransı keçirib. Futbolinfo.az xəbər verir ki, çalışdırıcı qol vura bilməməkdən gileylənib. 

– Ötən ildən "Zirə" bizim üçün arzuolunmaz komanda olub. Ötən mövsüm də onları məğlub edə bilməmişdik. Oyuna nəzarət edən tərəf biz olsaq da, qol vura bilmədik. Ən böyük problem qol vura bilməməyimizdi.

– Araz Abdullayev 1 hissəlik oyunçudu?
– O, zədəli idi. Bu səbəbdən də sonadək oynatmadım.

– "Zirə" narahatdısa, rahat rəqib hansıdı?
– Onlara qalib gələ bilməmişik, bu səbəbdən də onları narahat adlandırdım.

– Hava mübarizələrində demək olar bütün topları uduzdunuz. Bu, nəylə əlaqədardı?
– Hamı topu gözləyir. Topa şığımaq lazımdı.

– "Şkendiya" ilə oyundan sonra fanatlar sizi boykot edib. Onların könlünü almaq üçün hansı addım atılacaq?
– Biz azarkeşlər üçün oynayırıq. Ancaq uda bilmiriksə, fanatlar da anlayışla qarşılamalıdı.

CEYHUN ƏLİYEV