Ölkə futbolu
“Domino, pivə aləmindən ayrılıb, idmana bağlanıram”
MFL “San-Marino Kuboku”nun ilk yarımfinal qarşılaşmas?…
MFL “San-Marino Kuboku”nun ilk yarımfinal qarşılaşmasından sonra “Sparta Baku”nun kapitanı Ramin Babyevə “bıçaq vursaydın, qan çıxmazdı”. Futbolinfo.az saytına müsahibəsində o, həm məğlubiyyətin səbəblərindən danışdı, ham də komandasının yaranma tarixindən. “Neftçi” İSM-də məşqçi vəzifəsində çalışan Babayev yarış barədə də fikirlərini bildirdi.
– Komandanızın neçə yaşı var?
– Desəm inanmazsınız, komanda çempionatdan 3 gün əvvəl yığılıb. Bir neçə nəfəri yoxladıq və heyəti təkmilləşdirdik.
– Turnirin çox oyunlarını izləmişəm, məğlub olmağınız mənə qəribə gəldi…
– Dünəndən bəri bu oyuna çox böyük istəklə hazırlaşırdıq. Rəqib də pis komanda deyil, 5 ildi bir yerdə oynayırlar. Ancaq başlıca problemimiz odu ki, əsas heyətimizin 2 üzvü – qapıçımız və müdafiəçimiz ¼ finalda qırmızı vərəqə alıb, bu görüşdə cəzalı vəziyyətə düşdülər. Bundan başqa, ehtiyatda da cəmi bir oyunçumuz var idi. Güc, fiziki və psixoloji cəhətdən ikinci hissədə üstünlüyü rəqibə verdik.
– İlk yarıda məğlub durumda olsanız da, komandanız çox maraqlı oyun sərgilədi…
– 1-ci hissənin ilk 10-15 dəqiqəsində bizim üstünlüyümüz var idi. Amma futbolun yazılamış qayda-qanunu var: “Vurmayana vurarlar”.
– Turnir haqqında nə deyə bilərsiniz?
– Təşkilatçılara “çox sağ ol” deyirəm. Yeni dostlar qazandıq. 33 yaşım var, həmişə axşamlar yığışıb, çayxanalarda domino oynayırdıq. Halbuki indi dostlarım mənə zəng vurub deyəndə ki, “Ramil, hara gedirsən?” cavab verirəm ki, “oyuna”. Onlar da deyir, “bəsdi də, sənin bu oyunların qutarmadı?” Özümə də ləzzət edir. Çünki domino, pivə aləmindən ayrılıb, idmana bağlanıram. İnanıram ki, bu yarış gələcəkdə bundan da səviyyəli şəkildə təşkil olunacaq.
– İkinci hissədə çox emosional görünürdünüz. Sanki qarşı tərəflə konflikt axtarırıdınız…
– Aqressiv olsam da, komanda bu gün mənə bir böyük qardaş kimi güvənirdi. Artıq çəkimə görə meydanda istədiklərimi edə bilmirdim və bundan da aqressiya yaranırdı. Fikirləşirdim ki, mən oynamasam, uşaqlara dəstək olmasam, onlar da “sına” bilərdi. Onlara göstərmək istəyirdim ki, arxalarında dayaq kimi durmuşam. Təəssüf ki, bu da bəhrəsini vermədi. Nə deyə bilərəm, rəqib bizdən güclü olub, qalib gəldi. Onlara da uğurlar arzu edirəm.
– Matçdan sonra komanda yoldaşlarınıza 3-cü yer uğrunda oyunun olduğunu deyirdiniz. Bu oyunçualarınızı ruhlandırmaq üçün idi, ya göstərmək istəyirdiniz ki, uduzsanız da, kapitan komandanın yanındadı? Ümumiyyətlə, həmin qarşılaşmaya necə hazırlaşacaqsınız?
– Turnirə gəlib-gəlməməklə bağlı bir çox dostlarla müzakirələr apardıq. Çempionata yeni qoşulanda hamı bizə autsayder kimi yanaşırdı. Komandada oyundan-oyunda ruh yüksəkliyi, özünəinam arıtrdı. Əgər bu gün mən kiməsə desəydim ki, oyunun alınmır, o zaman məndən nə lider olar? Ona görə də 3 günün komandası 3-cü yer uğrunda matça çıxacaqsa, bu özü bir uğurdu. Finalda məğlub olmaqdansa, 3-cü yer uğrunda matçda qalib gəlmək daha yaxşıdı.
CEYHUN ƏLİYEV