Ölkə futbolu
Elnur Cəfərov Xorvatiya klubunda oynayacaq
Azərbaycan milli komandasının futbolçusu Elnur Cəfərov Az?…
Azərbaycan milli komandasının futbolçusu Elnur Cəfərov Azərbaycan klublarında oynamayacaq. Futbolinfo.az xəbər verir ki, "Xəzər Lənkəran"ın sabiq üzvü karyerasını yenidən xaricdə davam etdirəcək.
Bu haqda məlumatı əməkdaşımızla söhbətində AFFA-nın baş katibi Elxan Məmmədov deyib. O, xaricdə oynamasına AFFA-nın yardım etdiyi 19 yaşlı yarımmüdafiəçinin karyerasının Xorvatiyada davam etdirmək varinatının olduğunu bildirib: "Bu ölkənin yüksək liqasında oynayan 2 klubla danışıqlar gedir. Çox güman ki, bu yaxında Elnurun həmin komandanın üzvü olması xəbərini eşidəcəyik. Sözün düzü, 2 klub olduğundan ad çəkə bilmirəm. Gəlin, bir az gözləyək, çünki məsələ tam həll olunmayıb".
Məmmədov Portuqaliyanın yüksəl liqa təmsilçisi "Tondela"da qısamüddətli legioner həyatı yaşayan, rəsmi debüt edən bilməyən futbolçunun ruhdan düşməməsini və yenidən ölkə kənarında oynamaq istəyini alqışlayır: "Təbii ki. Elnurun çox müsbət keyfiyyəti var. Ancaq bir müsbət cəhətini deməliyəm ki, xaricə oynamaq istəyir. Baxmayaraq ki, Poruqaliyada karyerası alınmadı. Qayıdan kimi yenə təşəbbüs göstərdi və arzuladı ki, xaricdə oynasın. Biz də bunun bunun reallaşmasına çalışırıq. Milli komandanın futbolçuları nə qədər çox xaricdə, yüksək liqada oynasa, bir o qədər yaxşıdır".
Bir müddət öncə "Neftçi"nin üzvü Ruslan Qurbanov da Xorvatiyada oynamış, amma "Hayduk"da möhkəmlənə bilmədiyindən vətənə dönmüşdü. Ona bu işdə millimizin baş məşqçisi Robert Prosineçki yardım etmişdi. Güman ki, Elnur da bu ölkəyə xorvat çalışdırıcının köməyi ilə yollanır.