Qurban Qurbanov: "Belə bir matçda dəyişiklik etmək istəmirəm"

Avropa Liqasının pley-off mərhələsi çərçivəsində “Qarabağ” sabah İsveçin “Höteborq” klubunu qəbul edəcək. Futbolinfo.az xəbər verir ki, oyunöncəsi təmsilçimizin baş məşqçisi Qurban Qurbanov jurnalistlərin suallarını cavablandırıb:

– Ən vacib oyunlarımnızdan biridi. Həmişə ilk turu önəmli sayırdım. Amma indi elədi ki, bunu daha vaciblərdən sayıram. Rəqibi daha yaxından tanıyırq. Hər cür nəticəyə və oyuna hazırlaşmışıq. Ciddi rəqibdi, çox yaxşı müdafiə olunurlar.
 
– Bu qarşılaşmanı ölüm-dirim oyunu adlandırmaq olar?
– Xeyr, belə düşünmürəm. Amma dediyim kimi, çox vacib oyundu.

– Mərhələni adlamaq üçün rəqibi hansı komponentlərdə üstələmək lazımdı?
– Müdafiədə daha ciddi olmalıyıq. Sabah hücuma çıxmalıyıq. Rəqibi cərimə meydançamızdan daha çox uzaq tutmağa çalışacağıq. Hücumların sayını artırmalıyıq. Əgər komanda geridə müdafiə olunursa, sürəti artırmaq çətindi. Boşluqlardan istifadə etməliyik.

– Dino Ndlovunu ilk dəqiqələrdən meydanda görə bilərik?
– Bu haqda tam qərar verməmişəm, onun hazırlığı tam istədiyim kimi deyil. Belə məsuliyyətli oyunda onu ilk dəqiqələrdən buraxmaq bəlkə də düz deyil. Onun gündəlik performansına baxırıq. İlk 11-likdə olmamaq ehtimalı çoxdu.

– Dünən “Viktroiya”nın “Ludoqorets”ə məğlubiyyətini görüb, təəssüfləndizimi?
– Təəssüflənmək bir anlıq olur. Bu, adətən oyundan sonra olur. Bəzən zəif oynayıb, qalib gəldiyimiz də olur. Təəssüflənmək istəmirəm, həmin oyunun qol epizodlarına baxdım. Bizim matçdakından çox qol şansları oldu.

– Sabah heyətdə yeniliklər ola bilərmi?
– Az olacaq. Hətta olmaya da bilər. Belə matçda dəyişiklik etmək istəmirəm. 

– “Viktoriya” ilə oyundakı nəticənin təkrarlanmaması üçün nə etmisiniz?
– Bacara biləcəyim səhvləri düzəldib, motivasiyanı artırmaqdı. Şanslardan istifadə edə bilməyəcəyiksə, heç nə deyə bilmərəm. İmkanlardan maksimum yararlanmağa çalışacağıq. Rəqib də bəzən imkan vermir qol vurmağa. 

– "Höteborq" ilk matçda oyunu müdafiədən qurmaqla hamını təəccüblənidirdi. Sizcə, rəqib sabah hücum futbol oynaya bilər?
– Hər komandaya qalib gələk üçün düzgün müdafiə olunmaq lazımdı. Ötən oyunda bizim oyunumuz onları daha çox müdafiə olunmağa məcbur etdi. Son vaxtıar müdafiəyə daha çox yer ayıranlar uğur qazanır. Onlar sabah 2 hücumçu ilə oynaya bilərlər. Çünki rəqib 4-4-2 sxemi ilə oynayır. Buna baxmayaraq, müdafiədən oynayırlar. Ənənələrindən çıxacaqlarına inanmıram.

– Penaltilər seriyasına hazırsınız?
– İstəmərəm hər şey penaltilər seriyasına qalsın. Hər şeyə hazır olmalıyıq. Hətta məğlubiyyətə belə. Bununla bağlı xüsusi məşq etməmişik.

– Psixoloji cəhətdən komandada vəziyyət nə yerdədi?
– Normaldı. Çünki təcrübəmiz yetərincədi. Azarkeşlərmiz önündə oynamağımız bizim üçün əlavə gücdü. 

– Fikriniz maraqlıdı, əlinizin altında olan Reynaldo, Almeyda, Maksim və s. təcrübəlilərdə həvəs əvvəlki kimidi?
– Futbol elə bir oyundu ki, dediyin amil bir çox futbolçularda olur. Elə bilirlər ki, matça hazırdılar. İndi bəzi futbolçularımızda bu var. Hətta məşqlərdə belə olur. Hərdən klubların eniş dövrü də məhz buna görə olur. Hərdən məndə də belə hallar baş verir. Normal haldı. Ancaq bu oyunda belə şeyin olduğuna inanmıram. 

– İlk dəqiqələrdən qol vurub, oyunu rahatlaşdırmaq üçün hansısa planınız varmı?
– Biz daim qol axtarışında olmalıyıq. Amma gecikməli də deyilik.

– Vaqif Sadıqovun azərbaycansayağı künc zərbəsindən istifadə etmək planlarınıza daxildi?
– Artıq Azərbaycan klublarına belə imkan vermirlər. Bizim başqa planlarımız var.

– “Qəbələ”nin şanslarını necə dəyərləndirirsiniz?
– Müsbət dəyərləndirirəm. Amma elə də asan olmayacaq. Onlara uğurlar arzu edirəm. Roman Qriqorçuk işguzar məşqçidi. 

– “Qarabağ” işi çətindi, ya “Qəbələ”nin?
– Heç birimizin işi asan deyil. Burada çox nüanslar var. Bəzən insan son qərarı verməlidi. Bundan çox şey asılıdı. Futbolda asan bir şey yoxdu.

ELMAR ABDULLA-ZADƏ