Ölkə futbolu
İcraiyyə Komitəsinin bugünkü iclasında limit dəyişəcək
Bu gün Mərdəkanda yerləşən Milli Komandaların Məşq Mərk?…
Bu gün Mərdəkanda yerləşən Milli Komandaların Məşq Mərkəzində İcraiyyə Komitəsinin iclası keçiriləcək. Futbolinfo.az-ın əldə etdiyi məlumata görə, saat 19:00-da başlayacaq iclasda 1-ci divizion klublarının limit məsələsi müzakirə olunacaq. Eyni zamanda, Premyer Liqanı neçə komandanın tərk edəcəyi və neçəsinin diviziondan elitaya yüksələcəyi də rəsmi təsdiqini tapacaq.
Əslində, bu dəyişiklik çoxdan bəllidi. Ancaq rəsmi qərarı İcraiyyə Komitəsi verməlidi ki, qurum üzvləri də buna görə bir araya gəlir. Futbolinfo.az saytının məlumatına görə, ötən il tətbiq olunan 8+3 limiti qüvvədən düşəcək, klublar əsasən gənclərdən qurulmuş heyətdən qurtulacaq. Ötən mövsüm iştirakçılar 1994-cü i təvəllüdlü və ya daha gənc olan 8 yerli gəncə güvənməyə məcbur idi.
Əldə etdiyimiz məlumata görə, 2016/2017 mövsümündə limit 6+4+1 kimi qəbul olunacaq. Belə ki, əsas heyətdə 6 legioner, 4 yerli yaşlı və 1 gənc (1994) oyunçunun meydançaya çıxmasına icazə veriləcək. Bunu 10+1 kimi də qələmə vermək olar. Belə ki, legioner xidmətindən istifadə etmək istəməyən klublar 10 yaşlı futbolçuya etimad göstərə bilərlər.
Amma bu, dəqiq deyil. AFFA birdən-birə bu cür dəyişikliyə getməz. Ona görə də söylənilən ikinci versiya daha inandırıcı görünür. AFFA-nın 8+3-ü 5+6-ya dəyişməsi, start heyətində 5 gənc (1994) oyunçunun meydana çıxmasını planlaşdırdığı gözlənilir.
2016-2017 mövsümünün nəticələrinə görə, Premyer Liqada sonuncu pilləni tutan komandanın aşağı liqaya yuvarlanacağı dəqiqdi. Bununla yanaşı, diviziondan ilk 3 pillənin sahibinin elitaya yüksələcəyi də gözlənilir.
Gündəmə gətiriləcək məsələlər arasında Premyer Liqadakı limit məsələsinin müzakirəyə çıxarılacağı gözlənilmir. Ehtimal olunur ki, bu məsələyə 2017-ci ilin mayında baxılacaq.