Premyer-liqa
Qasımov üçün istefa sədaları altında 90 dəqiqə
Sabah Topaz Premyer Liqasında IV turun daha bir oyunu baş tutacaq. &…
Sabah Topaz Premyer Liqasında IV turun daha bir oyunu baş tutacaq. “Qarabağ”la AZAL kimi növbəti 2 komanda da oyuna “Əlincə Arena”da çıxacaq. “Neftçi” “Qəbələ” ilə görüşə həm də uğursuz seriyaya son qoymaq şansı kimi baxır.
10 sentyabr (şənbə)
20.00. “Neftçi” – “Qəbələ”
Hakimlər: RƏHİM HƏSƏNOV, Namiq Hüseynov, Elman Musayev, Nahid Əliyev .
Əlavə köməkçi hakimlər: Fariz Yusifov, Rauf Cabbarov.
AFFA nümayəndəsi: Nüvər Xasıyev.
Hakim-inspektor: Şahin Cəfərov.
“Əlincə Arena” (13000 yerlik).
Avropa Liqasının qrup oyunları öncəsi “Qəbələ” Belçika səfərini düşünsə də, bu oyuna barmaqarası yanaşmayacaq. Çünki Roman Qriqorçukun yetirmələri bu mövsüm çempionluq planları cızır və hər matça 3 xal ümidi ilə çıxır.
Vəziyyətini nəzərə alsaq, rəqibi münasib saymaq olar. “Neftçi” son illər ən çətin dövrlərini yaşayır və 2 oyundu qol vurmadan uduzurlar. Heyət yetərsizliyi bir yana, komandanın üzərində böyük təzyiq var. Elə bu amil də qonaqlara ümid verir.
Matç bakılıların baş məşqçisi Vəli Qasımov üçün çətin keçəcək. O, ötən il kubokun yarımfinalında üstələdiyi Qriqorçukla dueldə azarkeş təzyiqi üzləşəcək. “Neftçi”ni boykot edən fanatları bu turda Masazıra gəlib nəticədən asılı olmayaraq, 90 dəqiqə boyunca baş məşqçini istefaya sələməyi qərara alıb. O da maraqlıdı ki, Samir Əliyev və Əsgər Abdullayev məhz “Qəbələ” ilə oyunlardan sonra postundan ayrılıb. Ona görə də Qasımovun belə aqibətlə üzləşməsi qəribə təsadüf olardı.
Bu matç Ruslan Qurbanov üçün də xüsusi olacaq. Bir neçə gün öncə “Qəbələ”yə keçən futbolçu sabiq komandasına və məşqçisinə gücünü göstərməyə çalışacaq.
STATİSTİKA: 32 oyun, +14=8-10, top fərqi – 43:32
ÖTƏN MÖVSÜM…
17.10.2015. Neftçi – Qəbələ 0:1
13.12.2015. Qəbələ – Neftçi 0:1
05.03.2016. Neftçi – Qəbələ 1:2
01.05.2016. Qəbələ – Neftçi 2:2
OYUNDAN NOTLAR
• “Qəbələ”nin heyətində itki yoxdu.
• “Neftçi” bu oyunda zədəli Murad Ağayev, Dario Melnyak, Məqsəd İsayev, Kamran Nəcəfzadə və Elşən Abdullayevin xidmətindən istifadə edə bilməyəcək.
• Komandalar arasındakı son 10 oyunda meydan sahibləri qalib gələ bilməyib.
• “Neftçi” son 3 matçda bu rəqibinə qol vurub, amma 3 ildi “qırmızı-qaralar”I Bakıda yenə bilmir.
REFERİ
Rəhim Həsənov ötən çempionatda “Qəbələ”nin 9 oyununda olub. Komanda bu matçlarda 4 qələbə qazanıbsa, 2 dəfə xal bölüb, 3 dəfə də məğlubiyyətlə barışıb. “Neftçi” ilə 5 dəfə yolu kəsişən referi bu komandanın 3 qələbəsini görüb. Digər iki oyunda “ağ-qaralar” həm heç-heçə, həm yenilgiylə barışıb.
FƏRİD
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə
- Ölkə futbolu2024-05-03 14:00
“Neftçi”nin riskli seçimi: lazımsız legionerlə 4 illik müqavilə bağlayırlar
- Digər idman növləri2024-05-03 13:25
Tanınmış idmançılarla – öncə master-klas, sonra birgə məşq