Premyer-liqa
“Qəbələ”nin rekordları: Birini təkrarlayıb, birini qırdı
“Qəbələ” tarixinin ən böyükhesablı qələb?…
“Qəbələ” tarixinin ən böyükhesablı qələbə rekordunu təkrarlayıb. Futbolinfo.az xəbər verir ki, Topaz Premyer Liqasının 4-cü turunda “Neftçi”ni 8:0 hesabı ilə darmadağın edən “qırmızı-qaralar” 11 illik tarixində 2-ci dəfə belə böyük fərqlə qalib gəlir.
Əyalət klubu ilk dəfə 2005-ci sentyabrın 21-də buna sevinib. I dəstədə ilk matçına çıxan komanda “Şərur”un qapısından 8 cavabsız top keçirib. Bundan 4007 gün sonra isə qələbə Premyer Liqaya təsadüf edib.
“Qırmızı-qaralar” yüksək liqada ən yaxşı halda 6 top fərqilə sevinmişdi. Buna komanda 2 dəfə nail olmuşdu. 2007-ci ildə “Gənclərbirliyi”ni səfər, 2015-ci ildə “Xəzər Lənkəran”ı evdə 6 cavabsız qolla keçən “Qəbələ” Premyer Liqa tarixində yeni rekordunu rəsmiləşdirib.