Ölkə futbolu
İcra başçısı Mehman Allahverdiyevi "Kəpəz"dən qovdu
Gəncə şəhər icra başçısı Elmar Vəliyev uzun fasilədə…
Gəncə şəhər icra başçısı Elmar Vəliyev uzun fasilədən sonra "Kəpəz"in ev oyununda iştirak edib. Dünən baş tutan "Zirə"ylə matçda o da komandasını dəstəkləyib.
Başçının klubla yenidən maraqlanması, ona diqqət ayırması yaxşı xəbərdi. Lakin bu, bəzi adamlar üçün yaxşı nəticələrlə yekunlaşmayıb. Çünki o, stadiona gələn kimi klub rəhbərliyində ciddi dəyişiklik olub.
2:0 hesabıyla "Kəpəz"in qələbəsiylə bitən matçın nəticəsinə klubun icraçı direktoru Mehman Allahverdiyev sevinə bilməyib. Vəliyevin göstərişi ilə o, klubdan uzaqlaşdırılıb.
Elmar bəy hər nə qədər Gəncədə hakimi-mütləq olsa da, belə məsələlərdə rəsmi söz sahibi deyil. Ona görə də Allahverdiyevin qovulması xəbəri yəqin ki, Müşahidə Şurasının islasından sonra veriləcək. Ancaq təbii ki, böyük Vəliyev bu qərarı veribsə, oğlu Elmir Vəliyevin rəhbərlik etdiyi şuranın qərarı rəsmiləşdirməsi, sadəcə, zaman məsələsidi.
Mehman bəyin başçının qəzəbinə tuş gəlməsinin dəqiq səbəbini bilmirik. Ancaq əldə etdiyimiz məlumata görə, bunun səbəbi onun gizli işlər görməsi olub. Konkret maaşa işləməyə məcbur olan, kluba ayrılan pullardan "qonorar" qopara bilməyən Allahverdiyev gizli fəaliyyətin qurbanı olub. Reallaşan transferlərdən "menecer payı" uman, bu reallaşmayınca hədə-qorxu gələn, hətta icra başçısının əleyhinə danışan, mətbuata informasiyalar ötürən icraçı direktorun əməlləri başçıya çatdırılıb. O isə Mehman bəyin klubdan uzaqlaşdırılmasını əmr edib.
Onu da qeyd edək ki, Mehman bəyin "Kəpəz"dən uzaqlaşdırılması ilə bağlı xəbəri ilk olaraq "İdmanxeber" yaymışdı.
- Premyer-liqa2024-04-14 20:55
“Qarabağ” “Sabah”a uduzdu
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Ölkə futbolu2024-04-14 08:00
“Turan Tovuz” avrokubok mübarizəsinə qayıtdı