Dünya futbolu
Sem Ellerdays İngiltərə yığmasından getdi
İngiltərə yığmasının baş məşqçisi Sem Ellerdaysın mi…
İngiltərə yığmasının baş məşqçisi Sem Ellerdaysın millidəki fəaliyyəti başa çatıb. Futbolinfo.az xəbər verir ki, rüşvət qalmaqalında adı hallanan mütəxəssislə İngiltərə Futbol Assosiasiyası müqaviləni qarşılıqlı şəkildə pozmağa razılaşıb.
İngiltərə yığmasını 4 oyuna Qaret Sautqeyt çıxaracaq. O, Malta, Şotlandiya, Sloveniya və İspaniya ilə görüşlərdə baş məşqçi vəzifəsini icra edəcək. Bu müddətdə assosiasiya yeni çalışdırıcı axtarışını yekunlaşdıracaq. Artıq bu vəzifəyə 2 namizədin adı bəllidi. Bunlar italiyalı Roberto Mançini və fransalı Loran Blandı.
Qeyd edək ki, Ellerdaysı rüşvətxorluqda “The Daily Telegraph” nəşri günahlandırıb. Nəşrin əməkdaşları özlərini asiyalı biznesmen kimi qələmə verərək, Ellerdaysa İngiltərə “transfer bazarı”nda fırıldaqla pul qazanmaq istədiklərini bildiriblər. Məşqçi ilə danışıq kameraların yaddaşına həkk olunub.
61 yaşlı mütəxəssis 518 min dollar qarşılığında onlara kömək etməyə razılıq verib. O, bu yolla İngiltərə Futbol Assosiasiyasının üçüncü şəxslərə idmançıların iqtisadi hüquqlarına sahib olması ilə bağlı qadağadan yan keçməsinə yardımçı olmalı idi. Görüş zamanı Ellerdays yığmadakı sələfi Roy Hocsonu, həmçinin futbol assosiasiyasını tənqid edib.
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Digər idman növləri2024-05-09 12:52
Kramarenkonun qızı millimizdə? – “Bu, ölkəmə xəyanət olar”