Müsahibə
Kaliniç: “Qarabağ”ı qiymətləndirməmək olmaz”
İtaliyanın “Fiorentina” klubunun hücumç…
İtaliyanın “Fiorentina” klubunun hücumçusu Nikola Kaliniç İtaliya mətbuatına müsahibə verib. Futbolinfo.az sizi həmin müsahibə ilə tanış edir:
– Avroliqada qarşılaşacağınız “Qarabağ” sizin üçün tanış rəqibdi. Hələ “Dnepr”də oynayarkən Ukraynada bu komandaya uduzub, səfərdə qələbə qazanmışdız. Həmin oyunlarda “Qarabağ”a 2 qol vurmuşduz. Şəxsi planda yenə eyni nəticəni təkrarlaya biləcəksiz?
– “Qarabağ” çətin rəqibdi. Bu komandada 5-6 braziliyalı çıxış edir. Məşqçiləri də güclüdü və artıq neçə ildi ki, o futbolçularla birgə işləyir. Bizi ağır oyun gözlədiyini bilirik. Buna görə də, rəqibi qiymətləndirməmək olmaz. Düzdü, “Dnepr”də oynayanda onları Bakıda 2:1 hesabı ilə üstələmişdik. Evdəki matçda isə Azərbaycan təmsilçisi qələbə əldə etmişdi.
– Ötən mövsüm İtaliyada 13 qola imza atdınız. Ukraynada isə bu göstərici 16 olmuşdu. Bəs cari mövsümdə neçə qol vurmağı planlaşdırırsız?
– Konkret rəqəm deməyəcəm, amma qollarımın sayının ikirəqəmli olmağına çalışacam.
– “Fiorentina”nı yaxın gələcəkdə harda görürsüz?
– Ümid edirəm ki, Çempionlar Liqasında. Amma bu, asan iş deyil. Çünki həmin yerə namizədlərin sayı çoxdu. Belə baxanda, mənim üçün turnirlər arasında elə böyük fərq yoxdu. Həmişə qələbə üçün meydana çıxıram.
– İstənilən halda, bu il “Fiorentina” ilə Avroliqanın finalında oynamaq pis olmazdı…
– Düzdü. Mən “Dnepr”lə 2 il əvvəl Avroliqanın finalında çıxış etmişəm. O oyunla bağlı çox gözəl xatirələrim qalıb. Ümid edirəm ki, yenə həmin hissləri keçirəcəyəm.
– Baş məşqçi Paulo Souza ilə münasibətiniz necədi?
– Çox yaxşı məşqçidi. Mənə güvənir və bu da mənə çox kömək olur.
– Yay fasiləsində komandadan ayrılacağınız deyilirdi. Adınız bir çox klubla birgə çəkildi…
– Mən transfer söhbətlərinə qarışmırdım. Hazırda “Fiorentina”dayam və hər şey qaydasındadı.
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Ölkə futbolu2024-04-14 08:00
“Turan Tovuz” avrokubok mübarizəsinə qayıtdı
- Premyer-liqa2024-04-12 20:56
“Sumqayıt”la “Zirə”dən heç-heçə