Milli komanda
Prosineçkinin siyahısı: San-Marinodan sonra nə dəyişib?
Millimizin Dünya çempionatının seçmə oyunları (…
Millimizin Dünya çempionatının seçmə oyunları (DÇSO) ilə əlaqədar oktyabrda Norveç və Çexiyaya qarşı keçirəcəyi oyunlarla əlaqədar baş məşqçi Robert Prosineçki heyəti açıqlayıb. Xorvatiyalı mütəxəssis siyahıya 23 futbolçunun adını daxil edib.
Çalışdırıcının dəvət etdiyi qapıçıların siyahısında gözlənilməz sima yoxdu. Yığmanın 1 nömrəsi Kamran Ağayev dünən "Moreyrense" ilə oyunda hələ də qocalmadığını göstərdi. Qaytardığı penalti ilə özünəinamı qaytaran əlcək sahibinin Norveç və Çexiya ilə görüşlərdə də “çərçivə”ni qoruyacağını gözləmək olar.
Onun əvəzləyicisi kimi görünən Səlahət Ağayev də hazırda əla formadadı. O, Kamranın yoxluğunda həmsoyadını layiqincə əvəz edə bilər. Vay o gündən ki, hər iki Ağayev sıradan çıxa… O zaman Anar Nəzirovun qoruduğu “çərçivə”yə vurulan zərbələrin qol olmaması üçün gərək nəzir verək. Çünki “Zirə”nin qapıçısı son turlarda elə də inamlı görünmür.
Amma ölkə çempionatında 8 komandadan 4-nün əsas qapıçısı legionerdisə, digərlərindən də ikisinin “çərçivə” qoruyucusu yığmaya çağrılıb. Yerdə qalan əlcək sahibləri Aqil Məmmədov və Fərhad Vəliyevdi. “Sumqayıt”lı Vəliyev artıq karyerasının qürub çağını yaşayır və elə də inamlı deyil. Məmmədovun isə Nəzirovdan hansısa üstün cəhəti yoxdu.
Müdafiə xəttində isə hər şey qaydasındadı. Demək olar, üzdə olanların hamısı toplanışa çağırılıb. Yalnız uzun müddət zədə səbəbindən meydanda olmayan Bədavi Hüseynovun oyun praktikasından əziyyət çəkməsi problem yarada bilər. Solda alternativi olmayan Arif Daşdəmirovun oynamaq şansı çoxdusa, sağ cinahda Maksim Medvedev və Məhəmməd Mirzəbəyov varkən Pavel Paşayevin yenə ehtiyatda qalacağı gözləniləndi. Maraqlıdı ki, bu futbolçu hər toplanışa dəvət edilsə də, az halda meydana çıxır.
Son vaxtlar köhnə günlərini xatırlatmağa başlayan Ruslan Abışov da müəyyən fasilədən sonra milliyə dəvət edilib. Siyahıda gözlənil(məz)ən ad isə Emin Mahmudovdu. “Boavişta”nın yarımmüdafiəçisi hələ də yeni komandasında debüt edə bilməyib. Amma çətinliklə milliləşdirilən 24 yaşlı yarımmüdafiəçinin dəvəti başadüşüləndi. Əvvəla, Portuqaliya təmsilçisində keçilən məşqləri elə Azərbaycan Premyer Liqasının oyunlarından daha keyfiyyətli saymaq mümkündü. Bundan başqa, yeni dəvət olunan futbolçunu 1 matçdan sonra kənarda saxlamaq da indidən çox tezdi.
Eyni sözləri onunla oxşar vəziyyətdə olan “Trabzonspor”un hücumçusu Ramil Şeydayevə də şamil etmək mümkündü. “Bordo-mavili” klubda kubok matçında meydanda olduğu 26 dəqiqə ərzində həmyerlimiz qol müəllifi kimi adını tabloya yazdıra bilib. Qol duyumuna malik Şeydayev trabzonluların heyətində Super Liqa oyununa çıxmasa da, mövsümöncəsi yoxlama görüşlərində də fərqlənə bilmişdi.
Komanda yoldaşı Ruslan Abışov kimi uzun fasilədən sonra milliyə dəvət olunan Rauf Əliyevin də adını siyahıda görmək bir az təəccüblüdü. Düzdü, hücumçu qollarını vursa da, Prosineçkinin müsahibəsindən elə başa düşmək olardı ki, Əliyev onun istədiyi formada deyil. Amma görünür, hücumçu oyunu ilə kürən məşqçinin diqqətini cəlb edə bilib.
Ümumiyyətlə, qarşıdakı görüşlərdə yığmamızın hücumçu sarıdan korluq çəkməyəcəyini zənn etmək olar. Belə ki, “Neftçi”ni “Qəbələ”yə dəyişdikdən sonra ayağı açılan Ruslan Qurbanov da hazırda yaxşı formadadı. Əvəzində isə Namiq Ələsgərovun hansı səbəbdən ölkənin bir nömrəli komandasına dəvət aldığı müəmmaldıcı. Hücumçu sentyabrda “Qarabağ”ın heyətində yalnız 1 qarşılaşmada 33 dəqiqə forma geyinib.
Sonda isə milliyə dəvət olunan futbolçuların sentyabrın 5-də San-Marino ilə görüşdən sonra çıxış etdikləri klubların heyətindəki statistikasını təqdim edirik:
N |
Futbolçu (klubu) |
oyun |
qol |
sarı |
qırmızı |
dəqiqə |
1. |
Kamran Ağayev (“Boavişta”, Portuqaliya) |
2 |
-3 |
– |
– |
180 |
2. |
Anar Nəzirov (“Zirə”) |
4 |
-7 |
– |
– |
360 |
3 |
Səlahət Ağayev (“İnter”) |
4 |
-4 |
1 |
– |
360 |
4. |
Tərlan Quliyev (“İnter”) |
4 |
– |
– |
– |
346 |
5. |
Maksim Medvedev (“Qarabağ”) |
4 |
2 |
3 |
– |
351 |
6. |
Bədavi Hüseynov (“Qarabağ”) |
1 |
– |
– |
– |
45 |
7. |
Rəşad Sadıqov (“Qarabağ”) |
4 |
1 |
– |
– |
339 |
8. |
Pavel Paşyev (“Stal”, Ukrayna) |
3 |
– |
3 |
– |
270 |
9. |
Məhəmməd Mirzəbəyov (“Qəbələ”) |
7 |
– |
– |
– |
443 |
10. |
Arif Daşdəmirov (“Qarabağ”) |
3 |
– |
– |
– |
270 |
11. |
Ruslan Abışov (“İnter”) |
3 |
– |
– |
– |
184 |
12. |
Rahid Əmirquliyev (“Qarabağ”) |
3 |
2 |
– |
– |
193 |
13. |
Qara Qarayev (“Qarabağ”) |
3 |
– |
– |
– |
277 |
14. |
Dmitri Nazarov (“Ersgedirge, Almaniya) |
2 |
– |
– |
– |
94 |
15. |
Rəhman Hacıyev (“Neftçi”) |
4 |
– |
– |
– |
289 |
16. |
Araz Abdullayev (“Neftçi”) |
4 |
1 |
– |
– |
354 |
17. |
Eddi İsrafilov (“Kadis”, İspaniya) |
5 |
– |
1 |
– |
365 |
18. |
Emin Mahmudov (“Boavişta”, Portuqaliya) |
– |
– |
– |
– |
– |
19. |
Ağabala Ramazanov (“İnter”) |
4 |
3 |
1 |
– |
332 |
20. |
Ruslan Qurbanov (“Qəbələ”) |
7 |
4 |
– |
– |
342 |
21. |
Namiq Ələsgərov (“Qarabağ”) |
1 |
– |
– |
– |
33 |
22. |
Ramil Şeydayev (“Trabzonspor”, Türkiyə) |
1 |
1 |
– |
– |
26 |
23. |
Rauf Əliyev (“İnter”) |
4 |
3 |
2 |
– |
354 |
ELMAR ABDULLA-ZADƏ
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Premyer-liqa2024-04-30 09:30
“Yalnız birlikdə olaraq uğurlar qazana bilərik” – Ozobiç
- I Liqa2024-04-30 14:45
“Araz Saatlı”nın məşqçisinə 2 oyunluq cəza