Ölkə futbolu
Mingəçevirdə dava: Ramazan Abbasov qovuldu
Mingəçevirdə keçirilən “Energetik” &ndash…
Mingəçevirdə keçirilən “Energetik” – “Səbail” oyununda dava düşüb. Matçın 80-ci dəqiqəsində hər iki komandanın üzvləri meydanda topsuz üz-üzə gəliblər.
Oyuna ezam olunmuş əməkdaşımızın verdiyi məlumata görə, epizodların birində meqdan sahibləri qonaqların futbolçusu Ramazan Abbasovu arxadan vuraraq zədələyib. Qayda pozuntusu olmasına baxmayaraq, hakim oyunu dayandırmayıb, bu isə Ramazanın xoşuna gəlməyib.
Əsəblərinə hakim ola bilməyən Abbasov həmin futbolçuya kobudluqla cavab qaytararaq onu vurub. Yarımmüdafiəçi haqlı olaraq meydandan qovulsa da, onun bu hərəkəti meydan sahiblərini qıcıqlandırıb. “Energetik”in ehtiyat oyunçular skamyasında əyləşən üzvləri də meydana axışıb və mübahisə böyüyüb. Hadisələrin daha pis xarakter almasının qarşısı alınıb. “Səbail”in təcrübəli futbolçuları meydan sahiblərini sakitləşdirə biliblər və hakim oyunu davam etdirib.
Hazırda oyunda son dəqiqələr gedir və qonaqlar 2:1 hesabı ilə öndədi.