Ölkə futbolu
Novotnıdan "totalizator" açıqlaması: "Azərbaycan 3:0 udacaq"
Zdenek Novotnı. Bu ad sizə heç bir şey demir? Elə bu sətir…
Zdenek Novotnı. Bu ad sizə heç bir şey demir? Elə bu sətirlərin müəllifi də 50 yaşlı avtobus sürücüsünü Ostravaya qədəm basanadək tanımırdı. Qərəz, hava limanında bizi qarşılayanlar arasında otelə aparacaq Zdenek kişi də var idi.
Slvayan xalqlarının dilləri yaxın olduğundan, onunla söhbətləşmək üçün rusca anlaşmaq mümkün oldu. Elə bu səbəbdən də avtobusda ilk sıranı "zəbt etdim". İlk olaraq məskunlaşacağımız "Harmony Club" otelinədək məsafəylə maraqlandm. Həmsöhbətimin "25-30 dəqiqə" deməsi sevindirməyə bilməzdi. Deməli, saçını "sükan arxasında" ağartmış sürücüdən yetərincə məlumat ala biləcəkdim.
Qaranlıq küçələri keçdikcə öz-özümə paxıllıq çəkirdim: nəyə görə gündə 25 dəfə asfaltı dəyişən Bakı küçələri Ostravanın yollarının dırnağı da ola bilmir? Məgər pul silib, övladlarına yağ-bal yedirtmək vətənə xəyanət etməkdən önəmlidi? Ancaq Zdenek küçələrin qaranlıq olmasına da aydınlıq gətirdi: "Buralar kiçik kəndlərdi. Təqribən 5-10 dəqiqədən sonra daha işıqlı yerləri görəcəksiniz".
Çexiyalı sürücü yalan danışmırdı, yaşıllığa xüsusi önəm verən şəhər rəhbərliyi, həqiqətən də, Ostravaya yaxınlaşdıqca elektrik enerjisinə daha çox ehtiyac duyub.
Nəhayət, Zdenekə futbolla bağlı sual verdim:
– Yığmanızın oyununa gedəcəksən?
– Yox, gedə bilmərəm. "Sükanı" kimə tapşırım?
– Bəs, qarşılaşmadan nə gözləyirsən?
– Azərbaycan 3:0 qalib gələcək.
Açığı, bu cür cavab bir qədər şok effekti verdi. Hətta bir sıra həmkarım da təəccübünü gizlətməyərək, "bu, nə dedi" sualını verərək, qulaqlarına inanmadıqlarını büruzə verdilər. Ancaq sürücü israrla dediklərini təkrarladı.
– Yəni, Çexiya bu qədər zəifdi?
– Əlbəttə, zəifləyiblər. Ancaq məsələ burasındadı ki, bizimkilər totalizatorda oynamağı çox sevirlər. Axı, 2 gün sonrakı oyunda onlar aşkar favorit göstəriləcək. Deməli, pul qazanmağın vaxtıdı.
Avtobus "Harmony Club"a çatır. Novotnıyla sabahadək vidalaşırıq. Ancaq onun verdiyi proqnoz hələ də qulağımda cingildəyir – 0:3!.. Kaş sən deyən olsun, ay "şofer" qardaş.
CEYHUN ƏLİYEV, Ostrava
- Ölkə futbolu2024-05-15 09:42
Klublarımızın rəqibləri bəlli olur: yalnız “Neftçi” səpələnmişlərdə olacaq
- Ölkə futbolu2024-05-15 15:38
AFFA 6 kluba lisenziya verdi
- I Liqa2024-05-15 16:12
Məmmədov: “Premyer Liqaya vəsiqə qazanmasaq, bizim üçün faciə sayılacaq”
- Müsahibə2024-05-15 08:00
Xvalko qərarını verməyib: “Həmin anda nəsə deməyin xeyri olmayacaqdı”