Ölkə futbolu
Zirvədə "qaynar qazan", Zirədə əbədi qapazaltı
"Neftçi" qışadək belə davam edəcək. Komandanı …
"Neftçi" qışadək belə davam edəcək. Komandanı elə kökə salıblar ki, özünə gəlmək üçün hələ çox iş görmək lazım gələcək.
Premyer Liqanın cari mövsümündə ikinci dövrə gözlənildiyi kimi başladı. Favoritlər sensasiyaya imkan verməyib, zəifləri layiq olduğu aqibətə məruz qoydular.
Tur "İnter Arena"da başladı. Həftənin mərkəzi matçında qonaqlar qələbə qazansa, izləyicilərindən uzaqlaşacaq, uduzsaydı, lider dəyişəcəkdi. Heç-heçə ilk "üçlüy"ü dəyişməz saxlamaqla yanaşı, "Qarabağ" üçün əlverişli olacaqdı.
Matçdan öncə əksəriyyət "İnter" – "Qəbələ" görüşündə bərabərlik proqnozlaşdırırdı. Qonaqların bu mövsüm qol buraxmaması, eyni zamanda "İnter"in evdə uduzmaması faktı da bu nəticəyə inamı artırmışdı. 4 gün sonra Avropa Liqası matçına çıxacaq "Qəbələ"nin qüvvəsini qoruması ehtimalı "bankirlər"i ümidləndirsə də, heyətdəki bəzi çatımazlıqlar qələbəni çətinləşdirdi.
Bəri başdan deyək ki, mübarizə əzminə görə meydandakı bütün fytbolçular alqışlanmalıdı – komandalar güzəştsiz oyunla mövsümün ən yaxşı matçlarından birini reallaşdırdılar. Fərdi mübarizələr, taktiki savaş, aqressiv oyun – hər şey var idi.
İlk yarı qolsuz bitdi. Fasilədən həmən sonra isə "İnter" hesabı açdı. Milli komandadan heyətə düşmədiyi üçün məyus dönən Rauf Əliyevin fərdi bacarığı Bezotosnının "quru" seriyasının bitməsinə səbəb oldu. Roman Qriqorçukun fasilədə etdiyi əvəzetmələrdən sonra "Qəbələ" futbolçuları bir anlıq meydanda çaşqın qaldı, Əliyevin qapıya güclü zərbəsini qapıçı qaytasa da, top ən yaxında olan Ağabala Ramazanovun önünə düşdü – 1:0.
Ağabala matç ərzində azı 3 qol vura bilərdi. Amma digər epizodlarda ustalıq səviyyəsinin aşağı olması sözünü dedi. O, bununla rəqib müdafiəçilərlə mübarizədə bütün hava toplarını "udan", yoldaşlarına boş zonalar açan, əvvəlki günlərini xatırlatmağa başlayan Rauf Əliyevin zəhmətini də yerə vurdu.
"Qəbələ" buraxılan qoldan sonra ruhdan düşmədi, əksinə, təzyiqi artırdı. Dabonun inadkarlığından sonra Sergey Zenyov vacib qolu vurub əksəriyyətin proqnozunu doğrultdu. Düzdü, şəxsən mən oyunun qolsuz başa çatacağını gözləyirdim, amma 1:1-dən sonra də tərəflər eyni sayda xala sahib oldu. Bununla belə, onlar yenə məğlubedilməzdi.
Bu nəticəyə daha çox "Qarabağ" sevindi. Əsas rəqiblərini xeyli irəli buraxan ağdamlılar özündən öndəki məğluboyyətsizlərə yaxınlaşmaq üçün "Sumqayıt"ı yenməli idi. Qurban Qurbanovun yetimələri Suraxanı stadionuna dönüşlərini darmadağınla "yudular".
Turun ikinci günü də sensasiya baş vermədi. "Kəpəz" bu mövsüm ilk səfər qələbəsini ilk dövrədə xal bağışladığı AZAL üzərində qazandı. Bu, gəncəlilərin rəqibi üzərində 11 ildən sonra Bakıda qazandığı ilk belə uğur idi. 4-cü pilləyə yüksələn Şahin Diniyevin yetirmələri "təyyarəçilər"in zirzəmiyə dəmir atmasını da təmin etdi.
Tura "Zirə" – "Neftçi" matçı ilə yekun vurudu. Qonaqlar tarixi ərzində yenə bilmədiyi "qartalar"ı xalsız qoymaqla qara zolaqdan çıxmağa cəhd edəcəkdi.
Fasilə ərəfəsində Edson Kastilyonun heç nədən penalti "icad etməsi" "Zirə"nin işinə yaradı. Fasilə bitən kimi, bu dəfə Rahil Məmmədov fərdi səhvini sığortalamaq istərkən meydandan qovuldu. Daha bir neçə dəqiqə keçdi və "Neftçi"nin 3 oyunçusunu təkbaşına keçən meydan sahiblərinin cinah müdafiəçisi gözəl qola imza atdı. Daha bir neçə eizodda "Zirə"nin oyunçuları səxavət göstərib rəqibi növbəti biabırçılığa sürükləmədi.
İstənilən halda, "Neftçi"nin fiaskosu davam edir. 8 oyuna 6 məğlubiyyət hətta əbədi aytsayderə də yaraşan nəticə deyil. Elxan Abdullayevin komandanı dirçəltmək cəhdləri də fayda vermir, çünki yolunda getməyən çox şey var. Komanda daxilində nizam-intizam yerində deyil, futbolçuların bacarığı tələblərə cavab vermir, hətta aparıcı futbolçular da psixoloji gərginliyin altından çıxa bilmir. Bu "Neftçi" sökülüb təzədən yığılmasa, mövsümün sonunda elitada qalmaq uğrunda mübarizədə AZAL-ın əsas rəqibi olacaq.
AĞA
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Ölkə futbolu2024-05-09 13:53
“Azərbaycanda həm yaxşı pul qazandım, həm də hörmət”