Ölkə futbolu
Gözlənildiyi kimi: “Neftçi”də yeni icraçı direktor
"Neftçi” PFK inzibati heyət və kadr siyasətinin o…
"Neftçi” PFK inzibati heyət və kadr siyasətinin optimallaşdırılması ilə bağlı qərar qəbul edib. Qərara görə, Orxan Hüseynzadə icraçı direktor vəzifəsinə təyin olunub.
Hüsenyzadə həmçinin idman direktoru vəzifəsini də yerinə yetirəcək. İcraçı direktorun maliyyə məsələləri üzrə müavini vəzifəsinə isə Elnur Eyvazov təyin edilib.
Bu məlumatın rəsmi hissəsidi. Eyni zamanda bu qərar onu təsdiq edir ki, mətbuatın neçə vaxtdı yazdıqları boşuna deyilmiş.
Hələ bir müddət öncə Elnur Eyvazovun icraçı direktor postuna təyinatının yekun qərar olmadığını bildirmişdik. AFFA-nın baş katibi Elxan Məmmədovun bu şəxsi tanımasını deməsi fakt idi və görünürdü ki, təyinatlarda mütləq dəyişiklik olacaq.
“Neftçi”də “Qəbələ”yə 0:8 hesablı məğlubiyyətdən sonra aparılan islahatlar tələsik olmuşdu. Və kluba əsas icraçı kimi Orxan bəy gətirilsə də, əsas post Eyvazova tapşırılmışdı. Hakimiyyətin bölüşdürülməsində nüfuz savaşı bir müddət kölgədə qalmışdı və nəhayət, bu gün aydın odu ki, klubda əsas şəxs məhz Hüseynzadə olacaq.
Əslində, karyerasını, bacarığını nəzərə alsaq, Elnur bəy belə böyük klubda icraçı direktor vəzifəsinə yaramırdı. Bunu anlamaq və yanlışı düzəltmək üçün “Neftçi”yə 2 aya yaxın vaxt lazım oldu. Nəhayət, klub yenidən tamamilə AFFA-nın tövsiyyə etdiyi kadrların idarəçiliyinə keçdi. Elə bugündən etibarən dayanmış islahatların davam etdiriləcəyini deyə bilərik.
- Milli komanda2024-05-03 08:00
Vay(ss) bizim halımıza?
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə
- Digər idman növləri2024-05-03 13:25
Tanınmış idmançılarla – öncə master-klas, sonra birgə məşq
- Ölkə futbolu2024-05-03 14:00
“Neftçi”nin riskli seçimi: lazımsız legionerlə 4 illik müqavilə bağlayırlar