Ölkə futbolu
“Neftçi”nin təzadlı hərəkəti: Nurlan Əziz niyə müdafiə olunur?
“Neftçi” – “Qarabağ” oyununda me…
“Neftçi” – “Qarabağ” oyununda meydana daxil olan azarkeşi tapmaq cəhdlərimiz fayda vermədi. Əslində, tapsaydıq da faydası olmayacaqdı: çünki ona danışmaq qadağan olunub.
Meydana girən və “Neftçi”nin futbolçusu Katalin Tiranın qəzəbinə tuş gələn Nurlan Əziz elə hadisə baş verən anda polislər tərəfindən tutularaq bölməyə aparıldı. Ortada xəsarət alan olmadığından və hücuma məruz qalan şəxs olduğu üçün Tira bölməyə çağırılmadı və ondan izahat alınmadı. Sadəcə, klub oyunçunu məşqlərdən kənarlaşdırdı və güman ki, tezliklə birdəfəlik qovulacaq.
Amma istənilən halda, hadisənin baş verməsinin səbəbkarı azarkeşdi. Məhz onun hərəkəti Katalini də aqressiyaya təhrik etdi. Maraqlısı odur ki, Nurlan polis bölməsində yalnız bir neçə saat saxlanıldı. “Neftçi” rəhbərliyinin onun arxasınca bölməyə yollanması, xahiş-minnət, zənglər və s. sonra fanat sərbəst buraxıldı. Niyə? “Neftçi” bunu etməliydimi? Hüquq-mühafizə orqanları xahişi qanunun tələblərindən üstün tutmalydımı?
Nurlan Əziz ikinci dəfədi eyni olayın iştirakçısı olur. Ötən il Araz Abdullayevə hücum edən və futbolçudan sillə-təpik görən fanat yenə meydana daxil oldu və bu dəfə Katalin Tiranı “zibilə saldı”. Hadisə təkrarlandığı və ən əsası da meydana girib klubu böyük miqdarda cəriməyə məruz qoyduğu üçün Nurlan əfv olunmamalıdı, onun haqqında müvafiq ölçü götürülməlidi.
“Neftçi” dilemma qarşısındadı: azarkeşin arxasınca düşməsə, ona qayğı göstərməsə, ictimai qınaqla üz-üzə qalacaqdı, hamı klubu tərəfdarına sahib çıxmamaqda suçlayacaqdı. Amma razılaşaq ki,klub buna borclu deyil. Nurlan Əziz rəsmi fan-klubun üzvü deyil və xuliqanlığa görə saxlanılıb. Belədə qaydaları pozan insanı müdafiə etmək özü cinayətdi.
İndi hamı Tiranı hədəfə alıb və hamı da haqlıdı: milyonların gözü önündə fanata hücum etməyin bəraəti yoxdu. Hətta hakimdən ona vərəqə verməməyi xahiş edən “Qarabağ” futbolçuları olmasaydı, araya girməsəydi, Katalin bəlkə də cinayət işlədəcəkdi. Lakin eyni hərəkəti ötən il Araz da etmişdi – o, nəinki komandadan qovulmadı, hətt indi kapitan sarğısını daşıyır. Maşınla sürət həddini aşaraq adam öldürən, səhəri meydana çıxan Abdullayev göz bəbəyi kimi qorunursa, Katalin əcnəbi olduğu üçünmü ayrıseçkiliyin qurbanı olur?
Görünən odu ki, “Neftçi” sırf ictimai qınağa görə futbolçunu ayağa verir və azarkeşinə hətta qanunları pozaraq layiq olmadığı dəstəyi göstərir. Bu isə növbəti dəfə eyni halın baş verməsi üçün zəmin yaradır.O zaman həmin azarkeş və Araz haqda qanunamüvafiq tədbirlər görülsəydi, hər ikisi əzizlənib “zibildən çıxarılmasaydı”, dünənki hadisə də baş verməyəcəkdi.
Azarkeşlər futbolumuza çox lazımdı. Amma azarkeşlər, təxribatçılar yox…
AĞA
- Milli komanda2024-05-03 08:00
Vay(ss) bizim halımıza?
- Müsahibə2024-05-02 15:51
Dodo “Qəbələ”yə kömək etmək istəyir: I Liqada da oynamağa hazırdır
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə
- Digər idman növləri2024-05-03 13:25
Tanınmış idmançılarla – öncə master-klas, sonra birgə məşq