Ölkə futbolu
“İdman Azərbaycan”, yatma, milləti aldatma!
“Xaltura” olar, daha beləsi yox! Ayda dövlət bü…
“Xaltura” olar, daha beləsi yox! Ayda dövlət büdcəsindən milyon manat yeyəsən, əvəzində də ortaya boyat, hamının imtina edəcəyi məhsul qoyasan.
“İdman Azərbaycan”ın bu gün səhər 8.00-a olan xəbərlərini izləyirəm. Əsas xəbər millimizin baş məşqçisi Karlos Alberto Torresin ölümü, bir də Hindistan çempionatından hansısa oyundu. Tez Türkiyə – həm də profili idman olmayan – kanallarına çevirirəm. İtaliya çempionatında dünən baş tutan turun oyunları, İngiltərə Liqa kubokundakı Mançester derbisi, İspaniya, Hollandiya və Belçika kubokunun matçlarından ən son xəbərlər gedir. Hələ qonşu ölkədə cammat yuxudan oyanmayıb, saat fərqimiz var, amma tez qalxanlar üçün ən yeni məlumatlar efirdədi.
Torres xəbəri təbii ki, maraqlıdı, amma üstündən 3 gün ötəndən sonra bu, boyat məhsuldan başqa bir şey deyil. Rəhmətliyin üçü çıxıb, “İdman Azərbaycan” isə…
Bu, tamaşaçını barmağına dolamaqdı. Bir gün əvvəlin xəbərlərini yeni günün başlanğıcında təqdim etməyin başqa adı yoxdu. Dövlət büdcəsini talayırsız, heç olmasa, həmin pulun 5-10 faizinə normal iş qurun. Sizdən böyük layihələr istəyən və gözləyən də yoxdu. Rəqabətdə məhz işə belə yanaşmaya görə uduzduğunuz “CBC Sport”un yayım hüququna sahib olduğu Azərbaycan Premyer Liqasından kiçicik bir süjet də vermirsiz – cəhənnəm, heç olmasa, əməkdaşlarınız üçün operativ material hazırlamağa şərait yaradın. Zəhmət çəkib, işə tez başlayın, ən son xəbərləri millətə çatdırın.
Kanalın adı “İdman Azərbaycan”dı. “Kolkata” – “Mumbai” oyunu, boyat tennis, basketbol xəbərlərindənsə can verən “Neftçi”dən, avrokuboka hazırlaşan klublarımızdan, qeyri-futbol növlərindən reportajlar, xəbərlər hazırlayın. Dövlət büdcəsini 10-15 min manat xərcləyib, bunun 10-15 mislini sənədləşdirdiyiniz, heç kimin baxmadığı Xorvatiya, Serbiya çempionatlarına dağıtmağa nə haqqınız var?
Cavab gözləyirik. İstəyirsiz bunu bəyanat halında edin, istəyirsiz sizə bəraət üçün tribuna verməyimiz şərti ilə, istəyirsiz də işinizdə düzəliş edib nəticə çıxarmaqla…
FƏRİD
- Milli komanda2024-05-03 08:00
Vay(ss) bizim halımıza?
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə
- Digər idman növləri2024-05-03 13:25
Tanınmış idmançılarla – öncə master-klas, sonra birgə məşq
- Ölkə futbolu2024-05-03 14:00
“Neftçi”nin riskli seçimi: lazımsız legionerlə 4 illik müqavilə bağlayırlar