"Qarabağ" necə mərhələ adlaya bilər?

Avropa Liqasının qrup mərhələsi çərçivəsində “Qarabağ”ın səfərdə “Slovan”a məğlubiyyəti ağdamlılar üçün vəziyyəti çətinləşdirdi. Futbolinfo.az xəbər verir ki, təmsilçimiz əvvəlki kimi qrupda 2-ci pillədəki mövqeyini qorusa da, növbəti mərhələ şanslarını çətinə salıb. 

Qurban Qurbanovun yetirmələri növbəti mərhələyə adlamaq üçün son turda “Fiorentina”nı məğlub etməlidi. Amma paralel keçən oyunda italyanların evdə PAOK-a məğlubiyyəti (2:3) vəziyyəti daha da ağırlaşdırıb. İndi son turda təmsilçimiz növbəti mərhələyə adlamaq üçün mütləq “bənövşəyilər”i məğlub etməlidi. 

6-cı turda “Qarabağ” “Fiorentina”nı, PAOK “Slovan”ı üstələsə, “Qarabağ”, “Fiorentina” və PAOK-un 10 xalı olacaq. Belədə adıçəkilən 3 komandanın şəxsi oyunlarına baxacaq. 

Bu variant reallaşsa, vəziyyət belə olacaq:
1.“Qarabağ” 9
2. "Fiorentina" 4
3. PAOK 4 

Bu vəziyyətdə “Slovan” 4 xalla sonuncu pillədə qalır. Şəxsi oyunlara, 3 komanda arasında turnir cədvəlinə görə “Qarabağ” 9 xalla 1-ci yerlə 1/16 finala yüksəlir. “Fiorentina” və PAOK 4 xala malik olsa da, italiyalıların top fərqi onları 2-ci edir. Yalnız Bakıdakı 6 top fərqli məğlubiyyət onların yolunu kəsə bilər. Bu, inandırıcı olmadığından Florensiya klubunu 1/16 finalda saymaq olar.

Hər iki görüş bərabərliklə başa çatsa, o zaman “Fiorentina” 11 xalla qrup lideri kimi mərhələni adlayacaq. “Qarabağ”la PAOK-un xalları eyni – 8 olduğunda burada da şəxsi görüşlərə üstünlük veriləcək ki, onda da ağdamlılar mərhələni adlayan tərəf sayılacaq.

Son turda “Fiorentina” və “Slovan” qalib gəlsə, italyanlar qeyri-şərtsiz mərhələ adlayacaq. Bu zaman digər 3 komandanın xalları yenə eyni – 7 olacaq. Belədə yenə şəxsi oyunlara baxılacaq. “Slovan”la “Qarabağ”ın arasındakı şəxsi oyunlarda çexlər üstün olduğundan mərhələ adlayan tərəf də məhz onlar olacaq

1.“Slovan” 7
2. “Qarabağ” 7
3. PAOK 4

Çexiya klubu səfərdə PAOK-a qalib gəlsə, "Qarabağ"a doğma meydanda "Fiorentina" ilə heç-heçə də bəs edəcək.