Ölkə futbolu
Xırda detalla unutdurulan “qonaqpərvərlik”
Kiminsə tərbiyəsizliyi, harınlığı qalıb bir yana, hamı hansı…
Kiminsə tərbiyəsizliyi, harınlığı qalıb bir yana, hamı hansısa bəyanatda səhv axtarır, bunu faciə kimi qələmə vermək istəyir. Bəli, “Neftçi”nin məlum bəyanatındakı o səhv çox böyük nöqsandı, o boyda kluba yaraşmır, amma sonucda heç nəyi dəyişməyən xırda detaldı. Biabırçılıq ölkənin ikinci böyük şəhərinin başında duran, yaxın rayonları da kurasiyasında saxlayan birinin etdikləridi.
Cari turun “Kəpəz” – “Neftçi” oyunu nəticədən çox matçətrafı hadisələrlə yadda qaldı. Gəncənin icra başçısı Elmar Vəliyev qonaqların rəsmilərini VİP-lojadan qovdu və harınlıqlıqdan, özbaşnalıqdan irəli gələn bu hərəkət digər hadisələri kölgədə qoydu.
Hadisə şahidlərin dediyinə görə, hər şey icra başçısına mədhiyyə deyən və yalnız onun üçün əl çalan, idarə və müəssisələrdən zorla gətirilmiş azarkeşlərin arasında oturdulmuş jurnalistlərlə “Neftçi” rəsmilərinə pis münasibətdən başlayıb. Vəliyevin onları komandaya dəstək verməmələrini irad tutmasından sonra söz atışması başlayıb, qonaqların bunu etməyə məcbur olmadığını deməsindən sonra vəziyyət kritikləşib. İcra başçısının “qovun” əmrinin ardınca “Neftçi” rəsmilərinin “bizə 25 yer verməlisiz” iradına Vəliyev “sizə 25 … verəcəm”, deyib və bu tərbiyəsiz ifadədən sonra dialoqu davam etdirməyə lüzum qalmayıb. Əməkdaşlarına qarşı yolverilməz münasibətə görə “Neftçi” rəhbərliyi də VİP-lojanı tərk edib və matçın davamını azarkeşlər arasından izləyib.
Daha pisi “Kəpəz”in Müşahidə Şurasının üzvü Mikayıl Nərimanoğlunun dedikləridi. O, oyundan sonra başverənləri ört-basdır etmək üçün belə bir şey olmadığını bildirməklə rəhbərinin harınlığını pərdələmək istəyib. “Neftçi” tərəfi bundan sonra susmamaq qərarına gəlib və bəyanatla gəncəlilərə etirazını bildirib.
İndi hamı bəyanatla tanış olub, meydan sahiblərini qonaqpərvərliyə, “feyr-pley”ə tüpürməkdə qınamaq əvəzinə, sözügedən sənəddə səhv axtarır. Doğrudu, “Neftçi” əməkdaşları klubda olmayan Mehman Allahverdiyevin adına məktub yazmaqla səhvə yol verib. Ancaq bu, xırda detaldı – məktub ünvana çatmayıbsa, cavab gəlməməliydi. Halbuki bu məktuba cavab olaraq, “Kəpəz” yeni icraçı direktorun imzası ilə müraciəti cavablandırıb. Və eyni texniki səhvi ilk oyundan öncə “Kəpəz” də edib. Gəncəlilər də artıq klubda işləməyən Elnur Məmmədovun adına məktub ünvanlayıb və bakılılardan cavab alıb.
Əsl biabırçılıq Gəncə xanının özbaşnalığını bir xırda detalın arxasında gizlətməyə cəhd etməkdi. Elmar Vəliyev hər oyunda eyni özbaşnalığı edir, zəif klubların rəsmiləri bəlkə də bunu “yeyir”, “Neftçi” isə sivil yolla etiraz etdi, ara qarışdı. Əvvəl-axır kiminsə əsəbi dözməyəcək, icra başçısının belə hərəkətlərinə eyni üsulla etiraz edəcək, qan düşəcək. Bu özbaşnalığı “yuxarı”dan görən olmalıdı, bəlkə də bu üsuli-idarə ümumi dəst-xəttə uyğun gəlir deyə göz yumurlar, lakin hər şeyin bir həddi var.
Yeri gəlmişkən, məktubda adı qeyd olunan Mehman Allahverdiyevin də hüquqları pozulub. İcra başçısı onu klubdan uzaqlaşdırarkən illərdi Gəncə futboluna bağlı olan bu şəxsin bütün hüquqlarını məcburən əlindən alıb. Klubun təsisçisi olan Mehman bəy hər şeydən imtina etməyə məcbur edilib, klub Elmar bəyin oğlu Elmir Vəliyevin adına sənədləşdirilib. Klubun Müşahidə Şurasının sədri olan başçı oğlu indi həm də klubun sahibidi. “Kəpəz”in bütün xərcləri AFFA-dan qarşılanır, Gəncədən klub üçün toplananlar isə …
FƏRİD