Muarem Muarem: "Yaxşı oynadığımızı düşünürəm"

“Qarabağ” bu gün Avropa Liqasının qrup mərhələsinin son turunda “Fiorentina”ya uduzmaqla (1:2) mübarizəni dayandırıb. Futbolinfo.az xəbər verir ki, oyundan sonra Ağdam klubunun futbolçusu Muarem Muarem jurnalistlərin suallarını cavablandırıb.

– Yaxşı oynadığımızı düşünürəm. “Fiorentina” da yaxşı komandadır, bu gün də yaxşı oynadılar. Çox təcrübəli komandaya qarşı oynadıq. Bəlkə də ilk qolu biz vursaydıq, başqa cür olardı. 

– Fasilədə əvəzlənməyiniz nə ilə bağlı idi?
– Mənimlə bağlı bir problem yoxdur, baş məşqçinin qərarıdır. Təbii ki, 90 dəqiqə oynamaq istərdim. Hörmətlə yanaşmaq lazımdır.

– “Qarabağ” bu gün təcrübəsizliyin qurbanı oldu?
– Təcrübəsizlik deməzdim. Biz 3 ildir avrokubokda oynayırıq. Bizim ilk qol epizodumuz oldu, ondan yararlansaydıq, fərqli ola bilərdi. 

– Yenə də erkən qol buraxdınız…
– Onların ikinci qolunda “ofsayt” varmış. Biz də oyundan sonra izlədik. Oyundan kənar epizod imiş. Lakin çox danışmağa gərək yoxdur. Onlara uğurlar arzulayıram. Xeyirlisi.

– Oyunun taleyini fərdi mübarizə həll etdi?
– Onların da səhvləri də oldu, bizim də.

ELMAR ABDULLA-ZADƏ