Elşən Rzazadəni futbolsuz qoyan səbəb

“Xəzər Lənkəran”da parlayan, ötən mövsümü isə “Neftçi”də keçirən Elşən Rzazadədən uzun müddətdi xəbər almırdıq. Bakı klubunda zədə üzündən istəniləni verməyən yarımmüdafiəçinin karyerasını bitirməsi haqda da söhbət gəzirdi.

“Futbolinfo”ya  daxil olan məlumata görə, bu mövsüm “Mil-Muğan”a keçən gənc yarımmüdafiəçi ciddi xəstələndiyindən futbolla vidalaşıb. İmişli klubunun bazasındakı şəraisizlik üzündən xəstələnən Elşənin müalicəsinin uzun vaxt aparacağı deyilirdi.

1-ci divizion təmsilçisinin üzvü ilə söhbətdə o, deyilənləri qismən təsdiqlədi: “Hələ ki, evdəyəm. İstirahət edirəm, müalicə olunuram. Ciyərlərim soyuqlayıb. 2 aydı müalicə olunuram, hələ daha 2 ay da eyni vəziyyət davam edəcək. Bu müddətdə futbol oynamamışam. “Xəzər Lənkəran”da, “Neftçi”də oynayada soyuqlamışam, özümə fikir verməmişəm. Sonradan bu, üzə çıxıb. Pnevmaniyadı”.

Cari mövsüm meydana çıxacağı sual altında olan futbolçu gəlcəyi ilə bağlı da danışıb: “Mil-Muğan”ın normal bazası var, pis deyil. Orada da bütün gün bazada qalırdım, şəhərə çox çıxmırdım. Xəstəlikdən sonra isə həkimlər dedi ki, 6 ay müalicə olun, sonra məşq elə. Cari mövsüm demək olar, mənim üçün başa çatıb. Ondan sonra İmişlidə və ya başqa komandada kareyarmı davam etdirməyə çalışacam”.