Ölkə futbolu
“Neftçi”nin yeni legioneri: “Mövsümün ikinci yarısında hər şeyi dəyişəcəyik”
“Neftçi”nin yeni transferi Zdenek Folprext artıq k…
“Neftçi”nin yeni transferi Zdenek Folprext artıq komandanın hazırlığına qatılıb. O, yeni klubunda ilk müsahibəsini futbolinfo.az saytına verib.
– “Neftçi”yə transferiniz gözlənilməz oldu…
– Milad bayramından öncə agentim mənə zəng elədi və bildirdi ki, belə bir variant var. Əgər razılaşsan, “Neftçi”də oynayacaqsan. Əvvəlcə araşdırma apardım və ailəmlə müzakirə etdim. Agentimə zəng edib dedim ki, razıyam. Fikrimcə, bu, mənim üçün yeganə imkandır.
– “Slovan”ın heyətində Avropa Liqasının qrup mərhələsindən “Qarabağ”a qarşı çıxış etmişdin. Bu amil keçidində rol oynadı?
– Biz səfərdə “Qarabağ”a qarşı oynayanda çox təəccüblənmişdim. Bakını görəndə bu şəhəri çox sevdim. Doğrudan, mükəmməl gözəlliyə malik şəhərdir. Düşündüm ki, yenidən bu ölkəyə, Bakıya qayıdacam. Lakin o zaman “Neftçi”də oynayacağımla bağlı heç bir söhbət yox idi. Belə bir şəhərdə oynayacağım və yaşayacağım üçün çox sevinirəm.
– “Qarabağ”a 3:0 hesabı ilə qalib gəldiyiniz oyunu necə xatırlayırsan?
– Mənim üçün, “Slovan” üçün mükəmməl qarşılaşma idi. Biz həmin matçda erkən qol vurduq və “Qarabağ”ın özünəinamı itdi. İkinci hissəyə də erkən qolla başladıq. Bundan sonra onların özünə gəlməyi çətin oldu və sonda 3:0 hesablı qələbə qazandıq. Liberets üçün unudulmaz matçdır.
– Azərbaycan çempionatının lideri “Qarabağ” bu mövsüm Çexiya klublarına qalib gələ bilmədi. Ölkənizin çempionatını Azərbaycan Premyer Liqasından üstün saya bilərik?
– “Qarabağ”ın heyətində əla futbolçular var. Bu komanda Çexiya klublarından güclü sayıla biləcək heyətə malikdir. Lakin bizim komandalar sona qədər döyüşməyi sevən komandalardır. Fikrimcə, döyüşkənliyimiz “Qarabağ” üzərində uğurlu nəticələrin səbəbidir.
– “Neftçi”nin hazırki durumu sizə nə deyir?
– Bu komanda böyük tarixə malikdir. Azərbaycanda xüsusi çəkisi və tarixi var. Lakin bu mövsüm çox bərbad çıxış edirlər. Ümid edirəm ki, biz birlikdə mövsümün ikinci yarısında hər şeyi dəyişəcəyik.
– Həmyerlin Lukaş Droppa bildirib ki, mən “Neftçi” oynamaq, Azərbaycana getmək istəmirəm…
– Fikrimcə, o heç vaxt Azərbaycan klublarına qarşı oynamadığı, Bakı kimi şəhəri görmədiyi üçün belə deyib.
– Əgər Bakını görsəydi, fikrini dəyişərdi?
– Düşünürəm ki, bəli. Çünki mənim “Neftçi”yə gəlməyimdə Bakı şəhərinin və “Qarabağ”a qarşı oynamağımın xüsusi rolu var. Azərbaycan paytaxtında olmasaydım, bəlkə də “yox” deyərdim.
– Komandanın Antalyadakı toplanışında durum necədir?
– Mən tibbi yoxlanışdan keçdim və yalnız komandanın bugünki məşqində iştirak etdim. Fikrimcə, gündən-günə hər şey yaxşılığa doğru gedəcək.
– Azərbaycanda “Qarabağ” və “Neftçi”dən başqa komandaları tanıyırsan?
– “İnter” və “Qəbələ” haqqında məlumatım var.
FƏRİD
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-29 08:00
Avrokuboka vəsiqə üçün vacib qələbələr: Sumqayıtda hakimlər də iş başında idi
- Ölkə futbolu2024-04-29 09:25
“Nitsa” Benzianı istəyir
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib