Ölkə futbolu
Tahir Gözəl: "Reynaldo getməli idi"
"Neftçi"ni təbrik edirəm, qış fasiləsindən sonr…
"Neftçi"ni təbrik edirəm, qış fasiləsindən sonra heyətinə yaxşı futbolçular cəmləşib". Futbolinfo.az xəbər verir ki, bunu "Qarabağ"ın vitse-prezidenti Tahir Gözəl deyib.
Premyer Liqanın XV turunda "Neftçi" ilə görüşdə (1:1) mübahisəli penalti sayəsində məğlubiyyətdən qaçan "Qarabağ"ın rəhbəri bildirib ki, rəqibləri onlara qarşı yüksək motivasiya altında mübarizə aparırlar.
"Neftçi" həmişə hörmət etdiyim rəqibdi. Bu gün onları belə görmək məni sevindirdi. Rəqiblərimizin güclənməsi Avropada şansımızın yüksəlməsi anlamına gəlir. Şəxsən mən belə düşünürəm. Yaxşı oyun oldu, "Qarabağ" da pressinq etdi. Fikrimcə, sürətli, baxımlı oyun alındı" – deyə, Gözəl bildirib.
Reynaldonun gedişinə toxunan Gözəl bildirib ki, braziliyalı futbolçu "Adanasapor"a getməli idi: "Qapıçımız özünü sübut etdi. Fikrimcə, bu gün təmiz oyun oldu. Futboldu, həyatdı, Reynaldo getməli idi. Ona uğurlar arzulayıram. Bununla belə, bu gün bizdə Dino, Dani hücumda çox gözəl oynadı. "Qarabağ" çox çətin oyunlara hazırlaşır. Rəqiblərimiz bizə qarşı ən yaxşı oyunlarını sərgiləyirlər".