Milli komanda
Cavid İmamverdiyev: "Heç-heçə ədalətsiz nəticə oldu"
"Neftçi"nin yarımmüdafiəçisi Cavid İma…
"Neftçi"nin yarımmüdafiəçisi Cavid İmamverdiyev Topaz Premyer Liqasının 19-cu turu çərçivəsində "Kəpəz"ə qarşı keçirdikləri matçdan sonra futbolinfo.az saytının da suallarını cavablandırıb:
– Oyun haqqında fikirlərini bilmək istərdik.
– Yaxşı oynadıq. Qələbəyə daha çox layiq idik. Çoxsaylı şanslarımız oldu, ancaq dəyərləndirə bilmədik. "Kəpəz" də yaxşı oyun nümayiş etdirdi, onları bu mübarizələrinə görə təbrik edirəm. Referi ilk hissədə penaltini versəydi, hər şey daha fərqli ola bilərdi. Aşkar qayda pozuntusu idi, hakim görmədi. Fikrimcə, matçın bərabərə bitməsi ədalətli deyildi.
– Artıq neçənci dəfədi "Neftçi" hakim səhvinin qurbanı olur. Bu haqda nə deyə bilərsən?
– Mən bu barədə heç nə danışmaq istəmirəm. Xalqın gözü tərəzidi. Hər kəs nələr olduğunu görür, danışmağa ehtiyac yoxdu.
– Ötən oyunlara baxdıqda, bu gün komanda halında zəif çıxış etdiz. Bunun səbəbi nə idi?
– Sizinlə razı deyiləm. Komanda zəif oynasaydı, bu qədər qol epizodu yaratmazdıq. Sadəcə, hesabı dəyişə bilmədik. Ədalətsiz nəticə oldu.
– Oyunda digər mübahisəli epizod topun qapı xəttini keçib-keçməməsi ilə bağlı idi. Həmin epizodu sən görə bildin?
– Xeyr. Mən zərbəni vurduqdan sonra yerə yıxıldım. Topun qapı xəttini keçib-keçməməsi barədə nəsə deyə bilmərəm. Evə getdikdən sonra təkrarını izləyib görəcəyik nə baş verdiyini.
– Futbolçulardan kimsə bu epizodu görə bilib? Paltardəyişmə otağında bu mövzuda nələr danışıldı?
– Yox, heç kim görə bilməyib. Cərimə meydançasında qarışıqlıq vardı.
– Penalti epizodunda komanda halında etiraz etdiniz. Dəqiq deyə bilərsən ki, o epizodda penalti verilməli idi?
– Bəli. Çünki top ayaqdan çıxdı və rəqib ayağa zərbə endirdi.
– Deyə bilərik ki, "Neftçi" legionerlərdən aslıdı?
– Sizinlə razı deyiləm. Düzdü səviyəli legionerlərimiz var, ancaq fikirləşmirəm ki, yerli futbolçularımız onlardan geri qalır.
– Neçə ildi "Neftçi"də oynayan oyunçular yeni legionerlərin gəlişindən sonra ehtiyatda qalıb. Sən, Rəhman, Mahir. Baş məşqçinin bu qərarı komandada narazılıq yaradırmı?
– Bu, məşqçimizin qərarıdır. Bizdə elə söhbət ola bilməz ki, küsək, narazı olaq. Elxan müəllimin həmişə işlətdiyi cümlər var: "ehtiyatda oturan o, demək deyil ki, zəif oyunçudu". Belə məsləhətdi, belə də olmalıdı. Fikrimcə, ehtiyatda olan oyunçu daima hazır olmalıdı.
NİCAT SALMANLI