Ölkə futbolu
Gözəl oyunu tamamlayan davranış
Futbol üçnəticəli oyundu və onun sonuclarıa qatlanmağ…
Futbol üçnəticəli oyundu və onun sonuclarıa qatlanmağı heç də hər kəs bacarmır. Məğlubiyyəti həzm etməyənlər, qələbədən eyforiyaya qapılanlar, istənilən səhvə görə günahı daim başqasında axtaranlar kifayət qədərdi.
Dünənki “Qəbələ” – “Qarabağ” oyununda sevindirici məqamlar çox idi. Stadionda əla atmosfer, meydanda gözəl oyun, ideal təşkilatçılıq, dürüst hakimlik. Amma zənnimcə, örnək götürülməli daha bir məqam “Qarabağ” tərəfinin davranışı idi. Məğlubiyyətə rəğmən, ağdamlı futbolçular rəqiblərinin əlini sıxıb, onları təbrik etdi, heç bir bəhanə fikirləşmədilər, ev sahiblərinin uğuruna kölgə salmadılar.
İlk qolda mübahisə doğuran məqam var idi. Hakim öncə “Qəbələ”nin qolunu hesaba almadı, sonra köməkçisi ilə dəqiqləşdirmə aparıb, mərkəzi göstərdi. Təkcə bu epizod bir çox komandalar, bəhanə axtaran məşqçilər üçün polemika mövzusu idi. Lakin “Qarabağ”ın baş məşqçisi Qurban Qurbanov oyunsonrası mətbuat konfransında bütün müzkirələri başlamamış bitirdi: “Hakimə idarəşiliyinə görə “5” düşür”.
Qurbanov bunacan daha bir jest etmişdi. Final fiti səslənincə meydana girən çalışdırıcı hakimlərin, rəqib komanda üzvlərinin əlini sıxmış, onları təbrik etmişdi. Çempion məşqçi üçün zirvənin əldən verildiyi oyunda bu hərəkəti etmək nümunəvi davranışdı. Çünki o, qələbələri zəhmətlə qazandıqları kimi, məğlubiyyəti də öz səhvləri nəticəsində haqq etdiklərini gözəl bilir – bəhanə axtarmır, kimisə suçlamır.
Əslində, bu, adi davranış qaydasıdı. Lakin belə səhnələri çox görmədiyimizdən bəzən adi hərəkəti nümunəvi davranış kimi göstərməyə məcburuq. Görək arxada qalan turlar ərzində eynitipli neçə hərəkətlə qarşılaşmışıq?
O, şübhəli penaltini kənara vurmağı tapşıran Qurbanovdu. O, İtaliya “İnter”i ilə oyunda qrupdan çıxmaq şansını itirməsinə baxmayaraq, hətta aşkar hakim səhvindən sonra da özünü günahlandıran Qurbanovdu.
Qurban bəy “Qarabağ”da hər şeyin nəzarətçisidi. Bu səbəbdən komandaya öz futbol fəlsəfəsini aşıladığı kimi kluba da insanlıq, davranış etiketləri gətirib. Ağabala Ramazanovun cəzalı, Dani Kintananın zədəli olması ağdamlıları çox gücdən salmışdı. Lakin o, bu barədə kəlmə də kəsmədi, məsuliyyəti boynuna götürüb, rəqibi təbrik etdi, “Qəbələ”nin layiqli qələbəsini vurğuladı.
Məğlubiyyətdən sonra əksər baş məşqçilər mətbuat konfransını “yola verir”, tez aradan çıxmağa çalışır. Amma Qurban bəy hətta jurnalistlərdən yeni suallar tələb etdi, buna nail oldu, bir çox məqamlara aydınlıq gətirdi.
Gözəl matçdan belə sonluq yaraşırdı. Bu, digər komandalara “xəcalət dərsi” sayılmalıdı. Hələ qarşıda daha 9 tur var.
NİCAT
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Milli komanda2024-04-12 18:00
Millinin Gürcüstanla oyunlar üçün heyəti açıqlandı
- Premyer-liqa2024-04-12 20:56
“Sumqayıt”la “Zirə”dən heç-heçə