Milli komanda
Prosineçkinin mübahisəli siyahısı
Milli komandamızın Martın 9-da Qətərlə keçirəcəyi yoxla…
Milli komandamızın Martın 9-da Qətərlə keçirəcəyi yoxlama görüşünə çağırılan futbolçuların siyahısı artıq bəllidi. Futbolinfo.az xəbər verir ki, toplanışa 23 oyunçunu dəvət edən baş məşqçi Robert Prosineçkinin siyahısında 4 yeni ada rast gəlmək mümkündü. Bunlar “Qarabağ”dan Şahruddin Məhəmmədliyev, Riçard Almeyda, Tellur Mütəllimov (“Qəbələ”) və Abbas Hüseynovdu (“İnter”).
Almeydanın millimizin formasını geyinəcəyi əvvəlcədən bəlli idi. Sadəcə, gözlənilməz olan onun indidən yığmaya dəvət edilməsidi. Çünki futbolçunun ölkəmizdə çıxışının 5 ili hələ yayda tamam olacaq. Amma sınaq matçı FİFA-nın ayırdığı pəncərədə keçirilmədiyindən Almeydanın meydana çıxmasında heç bir qəbahət yoxdu.
Digər debütant Məhəmmədəliyevin adının siyahıya salınması isə hamıda təəccüb doğurdu. Çünki dağıstanlı əlcək sahibi qış fasiləsindən sonra cəmi 1 matçda meydana çıxmağa imkan tapıb. “Çərçivə”də elə də etibarlı olmayan Şahruddindən fərqli, son matçlarda inamlı çıxış edən “Kəpəz”li Davud Kərimini sınamaq olardı. Elə AZAL-ın “çərçivə” qoruyucusu Aqil Məmmədov da daha Şahruddindən daha etibarlıdı. Düzdü, onların millidə nə dərəcədə yaxşı oynayacağını demək çətindi. Lakin 3-cü qapıçı kimi bu insanlar diqqətə daha çox layiqdi.
Məhəmmədəliyev yenə 1 oyun da olsa, meydana çıxıb. Amma “Qarabağ”da onunla komanda yoldaşı olan Arif Daşdəmirovun hansı fəlsəfəyə əsasən yığmaya çağırılıdğı qaranlıq məsələdi. Sonuncu dəfə noyabrda meydana çıxan Daşdəmirovun yerinə “İnter”li Slavik Alxasovu sınamaq olardı. Ölkədə nadir sol cinah oyunçularından sayılan Slavik bu mövsüm yaxşı formadadı. Ən azı Daşdəmirova baxanda yetərincə oyun praktikası var. Gün çıxandan batana kimi “milli” deyə-deyə qalan Nizami Hacıyevə də şans verməyə dəyərdi. Elə “Qarabağ”ın heyətində daim meydana çıxana İlqar Qurbanovu da yoxlamaq pis olmazdı.
Son vaxtlar formada olan və Prosineçkinin milliyə dəvət etmədiyi futbolçuların qış fasiləsindən sonra keçirilən 6 tur ərzində göstəriciləri bu cürdü:
1 Davud Kərimi |
3 |
270 |
-2 |
2. İlqar Qurbanov |
5 |
450 |
– |
3. Slavik Alxasov |
5 |
333 |
– |
4. Nizami Hacıyev |
6 |
537 |
2 |
Prosineçkinin milliyə dəvət etdiyi futbolçuların göstəriciləri:
1.Şahruddin Məhəmmədliyev |
1 |
90 |
-1 |
2. Anar Nəzirov |
5 |
450 |
-6 |
3. Səlahət Ağayev |
6 |
540 |
-7 |
4. Tərlan Quliyev |
4 |
332 |
– |
5. Abbas Hüseynov |
4 |
219 |
– |
6. Rəşad Sadıqov |
2 |
180 |
– |
7. Bədavi Hüseynov |
6 |
540 |
– |
8. Tellur Mütəllmov |
6 |
540 |
– |
9. Ürfan Abbasov |
4 |
360 |
– |
10. Maqobed Mirzabekov |
5 |
273 |
– |
11. Arif Daşdəmirov |
– |
– |
– |
12. Ruslan Abışov |
4 |
288 |
– |
13. Rahid Əmirquliyev |
3 |
122 |
– |
14. Qara Qarayev |
5 |
318 |
– |
15. Riçard Almeyda |
3 |
270 |
– |
16. Elvin Məmmədov |
6 |
463 |
– |
17. Cavid Hüseynov |
6 |
413 |
– |
18. Araz Abdullayev |
5 |
252 |
– |
19. Ağabala Ramazanov |
5 |
293 |
– |
20. Ruslan Qurbanov |
5 |
250 |
– |
21. Namiq Ələsgərov |
5 |
450 |
1 |
22. Rauf Əliyev |
6 |
540 |
5 |
23. Mahir Mədətov |
5 |
263 |
1 |
ELMAR ABDULLA-ZADƏ